SATAN IS UNDER OUR FEET

GOD IS FAITHFUL

When I woke up this morning I saw everything in my life in a negative light.

I could not pray,  speak Gods Word or even meditate on it in my thoughts.

I even recalled things from the past and started to feel as if nothing is worth 

believing in.  

I started to cry and as I was feeling so down,  I received

 a whatsapp message from my girlfriend Juanita who lives in Limpopo:

WHAT ARE YOU LETTING ARISE IN YOUR LIFE?

IN OTHER WORDS, WHAT ARE YOU 

FOCUSING YOUR WORDS, ENERGY,

AND THOUGHTS ON.?

YOU MIGHT SAY, "OH, ITS JUST SO HARD RIGHT NOW.

MY FINANCES ARE TIGHT.

 MY HEALTH DOESN'T LOOK GOOD

SOMEBODY WALKED OUT ON ME"

NO, YOU'RE FOCUSING ON THE WRONG THINGS.

YOU'RE LETTING DEFEAT, DISCOURAGEMENT AND

SELF-PITY RISE UP.

WHY DON'T YOU TURN THAT AROUND AND SAY,

"GOD IS STILL IN CONTROL

SOMEBODY MAY HAVE WALKED OUT ON ME,

BUT I KNOW GOD IS GOING TO BRING

ME SOMEBODY BETTER.

I MAY BE HURTING RIGHT NOW, BUT I KNOW GOD IS

THE RESTORER OF MY SOUL.

I MAY HAVE A UNEXPECTED DEBT, BUT

I KNOW GOD IS MY PROVIDER.

HE IS SUPPLYING ALL OF MY NEEDS.

HE IS FIGHTING MY BATTLES.

WHEN YOU GIVE GOD GLORY AND LET HIM ARISE

IN YOUR LIFE, YOU CAN'T STAY DEFEATED.

NO FOE CAN STAND AGAINST YOU IN THE PRESENCE

OF ALMIGHTY GOD.

YOUR ENEMIES WILL BE SCATTERED!

THEY WILL TREMBLE AT YOUR WORDS OF FAITH!

LET GOD ARISE AND EMBRACE THE BLESSING

AND VICTORY HE HAS PREPARED FOR YOU.

What a faithful God have I.  Faithful in everything.

Don't let the devil take charge over your thoughts.

BY HIS STRIPES I AM HEALED

THESE BONES WILL SING.

Gebed verander sake

Vader

Ek bely my totale afhanklikheid van U. 

 Ek dank U dat u genade vir ons genoeg is.

As ek terugkyk op ons lewenspad en die moeilike

tye wat ons deurgemaak het dan weet

ek, U was altyd daar. U sal ons nooit begewe

of verlaat nie.   Ek is weereens vanoggend so bewus

van U Alomteenwoordigheid.  Die aarde Here, is vol 

van U heerlikheid.

Daar is niemand soos U nie.  

Ek bely dat Jesus Christus die Seun van God is.  

My God is op die troon, en ons so bevoorreg

om U troonkamer van genade te nader.

As ons U in Gees en Waarheid aanbid gebeur

daar iets in die geestesdimensie, en ek 

weet verseker dat geen wapen wat die vyand teen

ons smee kan slaag nie, want ons staan vas

in die Naam van Jesus.

U Naam is ver bo elke naam.  Aan die Koning van die Eeue,

die Onveranderlike, Onsienlike, Alleenwyse God,

kom toe die lof, die eer en die heerlikheid

tot in alle ewigheid.

Elke vyandsmag is aan ons onderwerp en die grondgebied'

wat U vir ons uitgemeet het,  "claim" ek in Jesus Naam.

Ek eis dit wat die vyand van ons gesteel het,

sewevoudig terug in  Jesus Naam.

Omdat U leef sien ons kans vir elke dag.

Ek het U lief Here met my hele hart, met my hele

verstand, en met alles wat binne in my is.

Dankie vir die Heilige Gees wat ons Leidsman is.

In Jesus Christus is elke belofte ja en amen.

Ek staan op elke belofte in U kosbare Woord.

Dankie vir hierdie dag wat U gemaak het.

Ek is bly en juig daarin

Dankie vir U beskerming en die bloed van Jesus.  Dankie

dat U die engele aangaande ons beveel om ons

te bewaar op al ons wee. 

Ek bid hierdie gebed nie alleenlik vir my gesin nie,

maar ook ons onderskeie families,  ons vriende, kennisse en elkeen 

wat hierdie blog sal lees.

Wees geseend in Jesus Naam

Amen

As ons wen eer ons Hom, as ons verloor eer ons Hom

Framesby Hoerskool se onder 16/A Netbalspan

Hierdie foto is vanaand geneem nadat hulle 45 - 35 verloor het teen 'n klubspan.

Voor en na elke wedstryd maak hierdie jong meisies saam met hulle afrigter 'n

kringetjie en gee eer aan God.

As hulle wen eer hulle Hom, as hulle verloor eer hulle Hom.

Maak nie saak hoe goed en opwindend die wedstryd was nie,

  hierdie is vir my elke keer die mooiste gesig denkbaar.

Die Woord leer ons as ons ons gaan skaam vir God gaan

Hy Hom skaam vir ons.  Hierdie meisies is nie skaam om in die openbaar

voor almal erkenning te gee aan die Een waar hulle hulp vandaan kom.

Meisies hou so aan.  Vat dit saam op julle lewenspad.  Jesus Christus is die 

Begin en die Voleinder van julle geloof.

Julle vermoens en talente het Hy vir julle gegee en julle is tot alles

in staat deur Jesus Christus wat vir julle die krag gee (Fil 4:13)

Deane,  hou so aan.  Nie alleen leer jy hulle netbal speel nie, maar

dit wat jy hulle leer deur al die eer aan God te gee, het ewigheidswaarde,

en niemand sal dit van hulle kan wegvat nie.  

Hou vas aan julle kreet meisies

KRAG

STERKTE

OORWINNING

Baie trots op julle 

'n HART VAN VLEES

ESEGIEL 11 : 19 - 20

En Ek sal hulle een hart gee,

en 'n nuwe gees in julle binneste gee,

en Ek sal die hart van klip

uithulle vlees verwyder en hulle

'n hart van vlees gee,

sodat hulle in my insettinge kan

wandel en my verordeninge kan hou

en dit doen; en hulle sal vir my

'n volk wees, en Ek sal vir 

hulle 'n God wees.

Daar was 'n tyd in my lewe wat ek so vol verbittering en 

onvergewensgesindheid was, dat my hart kliphard was.

Alhoewel ek die Here nog altyd liefgehad het kon Hy my nie gebruik

soos Hy wou nie want ek was te vol verbittering.  

Nadat God Jesaja se lippe aangeraak het met 'n 

koolvuur van die altaar,  sy skuld weggeneem en sy sonde versoen het,

was Jesaja gereed en toe die Here vra: Wie sal ek stuur? Het

Jesaja dadelik geantwoord en gesê:  hier is ek, stuur my (Jesaja 6:5-8)

Daar was 'n dag in my lewe wat God 'n afspraak met my gehad het

in 'n klein kerkie in George.  Ek het daardie dag met 'n verwagting kerk

toe gegaan en God het dit raakgesien.

Daardie Sondagoggend het Hy my vrygemaak van verbittering en 

onvergifnis.  Hyt my hart van klip verwyder en vir my 'n hart van 

vlees ingeplant.

Jy sien, die verbittering het my hele liggaam vergiftig en my siek gemaak.

Spreuke 14 : 30 sê vir ons dat 'n rustige hart lewe is vir die vlees,

maar hartstog verrotting vir die gebeente.

My gedagtes was so oorgeneem deur mense en situasies wat my

seergemaak het in my verlede dat God my nie kon gebruik soos Hy wou.

Mense maak jou dalk nog op 'n daaglikse basis seer en stel jou teleur, maar

dit affekteer my nie meer soos in die verlede nie.

Ek weet wie ek in Jesus Christus is.

Ons vergeef mense nie net ter wille van hulle nie, maar ter wille van onsself.

Die persoon wat jou gedagtes en jou lewe oorheers met onvergifnis gaan aan

met sy/haar lewe, hulle het dalk al vergeet wat hulle gedoen het ens.

Vergewe, spreek vry.

Joyce Meyers het vanoggend gesê: 

YOUR PAIN BECAME YOUR GAIN

YOUR MESS BECAME YOUR MINISTRY.

BE CONFIDENT IN WHO  YOU ARE IN CHRIST, I AM

MANLIEF SE PREEK

My man het gisteroggend baie vroeg opgestaan en tot onder by die see gestap.

Toe hy terugkom het by my op die bed kom sit en die wonderlike woord wat hy gekry het terwyl hy stap met my gedeel.  Ek wil dit baie graag met julle deel en glo dit sal vir julle net so van seen wees soos dit vir my was. 

Aangesien hy in die konstruksie bedryf is het hy geloop en na al die mooi huise op sy pad gekyk.  Waar ons bly is regtig pragtige huise en elkeen het sy eie unieke boustyl.  

Hy kyk met 'n meer kritiese oog aangesien vakmanskap vir hom baie belangrik is.

Hy sê terwyl hy loop en kyk sien hy die pragtige huise en verskillende unieke boustyle en Argitektoniese ontwerpe.  Maar hy sien ook dat elke huis, maak nie saak hoe groot of mooi, iewers 'n kraak of 'n skewe muur of 'n fondasie wat sak of 'n geut wat skeef sit, het.   Miskien is die pleisterwerk nie perfek afgerond nie, of die waterdigting is nie reg gedoen nie, wat ookal die probleem, maar as jy mooi kyk sien jy iets wat nie perfek en 100% reg is nie, maak nie saak hoe klein.

Terwyl hy stap vestig die Heilige Gees sy aandag op die natuur om hom, en hy besef as hy na God se Skepping kyk is alles volmaak.  Selfs as die blommetjie skeef hang is hy nog steeds volmaak.  Elke blaartjie, elke blommetjie, elke vetplantjie, selfs die see en die sandduine,  die dou op die gras,  dis alles perfek geskep.   Die Heilige Gees wys hom deur die vergelyking met die natuur en die gebreke in die huise, dat op mense kan ons nie vertrou nie, maar God wat 'n volmaakte werk doen,  deur net te spreek en dit is so,  kan ons altyd staatmaak en vertrou.   Mense faal soms, maar God se genade is nog steeds vir hulle genoeg.  Dit was so amazing om saam my man op 'n Sondagoggend op die bed te sit terwyl hy die wonderlike boodskap aan my oordra.

As ons na Genesis 1 kyk, het God net gespreek en dit was so.

Hoe kan ons nog enigsins twyfel aan die Grootheid en die Almag van God?  Ons dien 'n God van Wonders en ek sal vir geen oomblik daaraan twyfel.  Hy is die Een wat die onmoontlike moontlik maak.  Op my God vertrou ek.  Sy Naam wil ek verhef, Sy lof besing tot in ewigheid. 

JESAJA 40:28 - 31

Weet jy dit nie? Of het jy dit nie gehoor nie? 

 'n Ewige God is die Here,

 SKEPPER VAN DIE EINDES VAN DIE AARDE, 

 Hy word nie moeg of mat nie, 

daar is geen deurgronding van Sy verstand nie.

Hy gee die vermoeide krag en

 vermenigvuldig sterkte vir die wat geen kragte het nie.

Die jonges word moeg en mat,

 en die jongmense struikel selfs,

maar die wat op die HERE wag,

 kry nuwe krag,

 hulle vaar op met vleuels soos arende,

 hulle hardloop en word nie moeg nie,

 hulle wandel en word nie mat nie.

THESE BONES WILL SING.!!!

GIRLS WITH CURLY HAIR

My vriendin Hannetjie het hierdie pragtige fototjie vir my vroeer in die week gestuur.  Daars altyd iets of iemand of selfs 'n reuk of 'n gebeurtenis wat jou laat dink aan iemand anders.  Wel,  dit het my lieflike vriendin aan my laat dink.   Ek het dit vroeg die oggend ontvang en het baie lekker begin lag.  My dag het met 'n lag begin en ek en sy het allerhande lawwe goed oor en weer kwytgeraak.

Hierdie is die foto wat ek vir haar teruggestuur het en soos dit vir my lyk was sy nie ver uit die kol met die foto wat haar aan my laat dink het nie.  Hierdie foto het ons geneem toe ek een oggend opgestaan het met my blou polka dot "nighties" en my woeste bos hare.  Ek het dit nog meer deurmekaar gekrap en grappies met my jongste dogter Jess, gemaak.   So het daardie dag ook met 'n lag begin.

Ek het albei die fotos vir 'n ander vriendin, my kids en my man gestuur en vertel hoe lekker ek en Hannetjie gelag het.  Hoe weet ons die ander een lag lekker as dit 'n "whatsapp"  geselsie was.?  Dis reg - Lol, of soos in my ander vriendin Linda se geval wha haaaaahaaa haa ha ahahaa.  Ek het haar nie gesien of gehoor nie, maar omdat ek haar ken en weet hoe lekker sy kan lag, het ek gelag vir haar reaksie.  Ek het almal beveel om die foto dadelik te delete, want Hannetjie het gesê ek lyk pragtig en sy gaan die foto op fb sit.  Ek het selfs daaroor gelag.   Ek het egter besluit om dit met julle te deel want om te lag is goed vir die liggaam, gees en siel.

SPREUKE 18 : 22

"n Vrolike hart bevorder die genesing,

maar 'n verslae gees laat die

gebeente uitdroog.

My dag het met 'n lag begin en daardie hele dag was daar niks wat my vreugde kon steel nie.  

VIND JOU VREUGDE IN DIE HERE  

Hy wil jou genees en herstel na siel, gees en liggaam.

ps.  vir die van julle wat dalk gewonder het of hulle name verander is om hulle identiteit te beskerm,  wel, die antwoord is, nee!!  haha

ROADTRIP

Dit was nog altyd my middelste meisiekind, Cindy, se wens om op 'n "roadtrip" saam met haar vriendinne te gaan.  Dit moes met  'n Volla of 'n ou bus wees.

Daar moet "surfboards" op die dak wees en hulle wou die hele land deur toer en alles wat die lewe hulle sou bied, geniet.

Hulle is nou uit die skool uit en almal studeer of werk en het nog nie hul droom uitgeleef nie.

Die lewe draai nie altyd uit soos ons hoop of selfs oor droom nie.

As ek trugdink aan alles wat ek graag wou doen en bereik.  Jong meisie drome wat nooit gerealiseer het nie,  selfs drome wat ons vir ons kinders ons mans ons families, het.

Baie keer is ons drome en gedagtes onrealisties, dis nie in lyn met God se plan vir ons lewe nie of ons maak keuses en neem besluite wat veroorsaak dat die verloop van ons lewe anders is as wat ons gedroom het.

Maak nie saak wat die rede is,  een ding weet ek verseker  -  God is ons Stuurman .  Ons moet vashou aan die wonderlike wete dat alles vir ons ten goede gaan meewerk omdat ons Hom liefhet.

Daar was 'n tyd in my lewe wat dit vir my gevoel het dat niks wat ons as 'n gesin beplan of aanpak, God se wil vir ons lewe was nie.  Niks het uitgedraai soos ons gehoop het nie.

Nou kyk ek terug en weet dat God se gedagtes vir ons mooi is.  Volgens Psalm 139 is sy gedagtes vir ons meer as die sand.

Soos met alles in ons lewe moet ons onwrikbaar glo dat God in beheer is.  Ons moet Hom in beheer plaas en Sy Wil vir ons lewe soek.

Hou vas, moet nooit ophou droom nie,  God plaas drome in ons hart.  

DIE BESTE Lê NOG VOOR

HOW GREAT IS OUR GOD

HOW GREAT IS OUR GOD

ALL WILL SEE HOW GREAT, HOW GREAT IS OUR GOD.

NAME ABOVE ALL NAMES.

LORD, YOU ARE WORTHY OF ALL PRAISE.

AND MY HEART WILL SING,

HOW GREAT IS OUR GOD.

THERE IS NOTHING MY GOD CANNOT DO.

GOD DOESN'T CHANGE,

BUT HE CAN CHANGES CIRCUMSTANCES.

THE BEST IS YET TO COME

THESE BONES WILL NEVER STOP SINGING........

WHAT IF TOMORROW NEVER COMES??

Gisteraand het ek en my man 'n hewige rusie gehad.  Dit was nou 'n behoorlike "fight" soos die Engelsman sal sê.  Omdat hy net naweke by die huis is het ons  opgekropte emosies gehad omdat ons probeer het dat alles net "smooth sailing" moet wees as hy hier is.  

Ons kleinste kuikentjie het naderhand ons kamerdeur kom toemaak en gesê sy stel nie belang om ons te hoor nie.   Ons altwee het goed gesê wat ons nie bedoel nie en het naderhand besluit ons mors net mekaar se tyd.  Ons het gestort en in die bed geklim, en manlief het met die kleine kuiken, wat nou al 'n yslike meisiekindjie van 16 is, gaan praat en, soos ek vanoggend verneem het, het hy vir haar die versekering gegee dat ons die goedjies moet uitsorteer.  Waarop sy reageer en so ewe sê, sy weet ons is lief vir mekaar.   Dankie tog vir 'n goeie reputasie van liefde en respek tussen ons.

Hy het langs my in die bed kom klim en na 'n ruk van stilte het hy begin uitreik na my en met my gepraat, waarop ek natuurlik op daardie oomblik so kwaad en hardekwas was dat ek eerder wou slange vang as om enigsins positief te reageer op sy toenadering.   Soos my manlief is laat hy hom nie afsit as hy sy vrou se toegeneendheid soek nie.  Met die gevolg, hy het net nie opgehou nie.  Sy hande het oor my liggaam gestreel en ek het gevoel hoe ek begin ontspan, maar wou nie met hom vrede maak nie.  Dus het ek allerhande goed gesê om hom mooi te laat verstaan, dis nou een aand waarop die son gaan ondergaan oor my toorn.  

Terwyl hy alles probeer het om die harmonie te herstel, het ek alles probeer om hom te wys ek stel nie belang nie.  Ons twee se liedjie het skielik by my opgekom en die woorde het deur my kop begin maal.  If tomorrow never comes!!!   Dit het my regtig begin pla en ek glo God se Gees het op daardie oomblik die liedjie in my hart gelê.  Ek het begin ontspan en die oomblik toe ek nie meer vir die vyand geleentheid gee om ons verhouding te benadeel nie, het daar 'n ongelooflike gevoel van harmonie en vrede tussen ons gekom wat ek nog nooit voorheen ervaar het nie.  Ek het so naby aan my man gevoel en vanoggend toe ons opstaan kon ons die probleme waaroor ons mekaar so ingevlieg het,  van aangesig tot aangesig aanspreek en daaraan werk.  Hy het netnou vir my gesê dit was die lekkerste dag saam met my,  en dit net omdat ons leke gesels het en mekaar se beste vriende was.

Nodeloos om te sê - die son het toe NIE onder gegaan oor my toorn nie.

DINK DAARAAN:
WHAT IF TOMORROW NEVER COMES??

OM TE HUPPEL SOOS 'N KIND

Here, hierdie vrou sal weer huppel soos toe sy 'n kind was.!!!

Dis die woorde van  tannie Irah van Rooyen wat sy tot God geroep het terwyl sy vir my gebid het 'n paar jaar gelede.  Sy't my voorgekeer voor kerk en saam my teruggegaan na my huis toe.  Daar het sy my voete gewas, my met sout besprinkel, my gesalf.  Daardie oggend het sy vloeke gebreek en tot God geroep vir my genesing.

Toe sy bid dat ek weer sal huppel soos toe ek 'n kind was het ek nog by myself gedink, ek wonder of die tannie weet wat sy nou bid, want ek was 'n baie wilde dogtertjie.

Ek was baie lief vir hardloop en spring en het selfs van ons dak af op die bure se hoop sand gespring.  Ek het nie verby 'n deurkosyn geloop voor ek nie gespring het en probeer het om dit te raak nie.  

Dis 'n paar jaar later en huppel ek soos 'n kind?  Nee.

Gaan ek weer huppel soos 'n kind?  Ja, Ja 'n duisend maal Ja.

My God is op die troon en Jesus het klaar die prys betaal.  Deur die wonde van Jesus is ek genees.  

EK GAAN DANS VOOR DIE HERE, EK GAAN HUPPEL AS EK LOOP.

ps.  As God se Gees oor my kom dan dans ek alreeds voor die Here.  Halleluja, loof die                         Wonderlike  Naam van Koning Jesus.

DIE ENGELE JUBEL EN JUIG

Die wonderlikste boodskap wat ek vandag op my foon gekry het, was toe iemand wat by ons werk vir my 'n whatsapp stuur en vra dat ek saam met hom bid as hulle weer in PE is want hy wil sy lewe en sy saak met God regmaak.
Ek het net gevoel as dit vir iemand so belangrik is dat hy 'n paar dae voor hy my sou sien al vir my vra, dat dit nie kan wag nie.  Die son kan nie onder gaan voordat sy naam in die Boek van die Lewe geskryf staan nie.   Ek het hom gebel en saam het ons vir God gevra om sy sondes weg te was, om hom witter te was as sneeu.  Hy het bely dat Jesus Christus die Seun van die Lewende God is.  Dit was so amazing.

Hierdie dag, die 8ste Mei 2014 was die belangrikste dag in sy lewe.  Ek moet erken, in myne ook. Daars geen groter voorreg as om 'n werktuig in die Hand van die Vader te wees.

Daar's n pragtige lied wat sê:  "My soul desire is to be used by You"

Daars blydskap in die hemel oor een siel wat tot bekering kom.  Die hemele is in beroering, die engele jubel en juig.

Rustige nag en weet God het jou lief, onvoorwaardelik!!!

VROU - BESKERM JOU MAN

Die vrou is met 'n doel uit haar man se ribbebeen gemaak.  Die ribbekas beskerm en sy het 'n lewende beskermer vir haar man geword.  Hoe beskerm ons ons mans.?  Op die stadium kan ek nie 'n paar karatehoue of selfs 'n paar "kickboxing moves" uithaal nie, en aangesien my man nie in dieselfde stad as ek bly deur die week nie, is daar nie veel wat my hulpkrete of enige menslike poging wat ek moontlik kan aanwend,  vir hom in enige situasie gaan beteken nie.

Wat ek doen is om vir my man te bid.   Vrou, beskerm jou man, maak hom toe met jou gebede.

Psalm 91 sê Hy sal sy engele aangaande ons opdrag gee om ons te bewaar op al ons wee.  Omdat ons Sy Naam ken sal Hy ons beskerm.   Net soos die bloed van die lam die Israeliete beskerm het, netso beskerm die bloed v Jesus ons vandag.

In my Bybel is 'n aantekening by Psalm 4:9 wat soos volg lui:  11September 2008

                                                                                                       Barry werk in De Aar.

Daar staan geskryf - Ek wil in vrede gaan lê en meteens aan die slaap raak, want U, o Here, alleen laat my in veiligheid woon.

Vader, ek pleit die bloed van Jesus oor my man en my kinders.  

Dankie dat U ook my skoonseuns, wat nog onbekend by my is, beskerm Here.

Dankie dat U die engele aangaande ons sal opdrag gee om ons te bewaar op al ons wee.

Ek is bevoorreg om U Naam te ken.

Geen wapen wat die vyand teen ons smee sal slaag nie, want ek staan vas in die Wonderlike Naam van Jesus.

Neem hulle onder U beskerming en weerhou onheil van hulle

In Jesus Naam

Amen

YOU ARE A DAUGHTER OF THE MOST HIGH KING.

DON'T LET ANYONE TELL YOU DIFFERENT.

GOD LOVES YOU

HE ADORES YOU

THE BEST IS YET TO COME

MAAK JOU HART OOP VIR JESUS

Vanoggend terwyl ek my hare droogblaas kom daar skielik iets van my kleintyd in my gedagtes op.  My Sondagskool juffrou het eenkeer met ons gepraat oor Jesus wat by jou hartjie se deur staan en klop en dat ons ons hartjies moet oopmaak vir Hom.

Openbaring 3:20
Kyk, Ek staan by die deur en Ek klop.  
As iemand my stem hoor en die deur oopmaak
sal Ek ingaan na hom toe en saam met hom
maaltyd hou en hy met My.

Haar les het 'n geweldige impak op my gemaak en soms as ek en my sussie gespeel het het ek my verbeel ek hoor letterlik hoe iemand aan my hartjie se deurtjie klop.  Dan het ek altyd gesê: Liewe Jesus as dit u is kom maar in, maar as dit die duiwel is bly buite.  Dit het meer as eenkeer gebeur.  Tot vandag was ek nog nooit een dag spyt dat ek Jesus in my hartjie toegelaat het.

Ja, daar was 'n tyd in my lewe wat ek nie op die plek was waar God my wou hê nie, maar die Woord sê dat niemand ons uit God se hand kan ruk nie.

As jy Hom nog nooit in jou lewe toegelaat het en Hom die Stuurman van jou lewe gemaak het nie. Nooi ek jou vandag uit om jou saak met God reg te maak.  Johannes 1:12 leer ons dat almal wat Hom aangeneem het, aan hulle het Hy mag gegee om kinders van God genoem te word, aan hulle wat in Sy naam glo.

Nooi Hom in vandag.  HY WIL SAAM MET JOU MAALTYD HOU.  
Jou lewe sal nooit weer dieselfde wees nie.

Bid hierdie gebed:
Jesus, vandag neem ek U aan as my persoonlike Saligmaker.
Wees Heer en Meester oor my lewe en vul my hart met U vrede.
Ek bely my skuld en sonde voor U en ek weet dat U my nou witter was as sneeu deur die kosbare bloed van Jesus.
Sy bloed het gevloei sodat ek die ewige lewe mag beerwe.  Dankie dat my naam nou ook in die boek van die lewe geskryf staan.
In Jesus Naam
Amen

GELOOF - 'n bewys van die dinge wat ons nie sien nie.

 -  May 3, 2014

 

Alhoewel ons baie naby die see bly en die see pragtig kan sien,  is die mis op die oomblik so dig dat ons glad nie see of Jeffreysbaai wat in die verte lê of selfs amper die bure se huis, sien nie.  
Die Woord leer ons dat God beheer het oor elke  brander wat breek en elke keer wat ek vir die see kyk herinner my dit net nog meer aan die grootheid en die Almag van God.

Dit is hoe ons geloof moet wees.  So seker soos wat ek nou is dat onder hierdie digte mis n pragtige see lê,  al kan ek dit nie nou sien nie,  net so seker moet ons wees dat God op die troon is, dat Jesus gegaan het om vir ons 'n plek te berei,  dat Hy al ons sondes en al ons siektes op Hom geneem het by Golgota. Al voel ek dit nie op hierdie stadium elke dag in my liggaam nie,  weet ek ons dien 'n God van wonders en in die gees sien ek myself weer rondhardloop saam met my kinders, ek sien myself gesond met gesonde gebeentes en sterk spiere.

Volgens Hebreers 11 : 1 is die geloof 'n vaste vertroue op die dinge wat ons hoop, 'n bewys van die dinge wat ons nie sien nie.
Wat so wonderlik is, dit bly nie net onsigbare dinge nie, dit wat ons glo word 'n werklikheid, want ons God is 'n Waarmaker van Sy Woord.

Deur Jesus se wonde is ek genees.
Amen

Wat is die een ding in die lewe wat ons lamlê?  VREES!!! 
 Ek het gisteraand gaan slaap en vanoggend opgestaan met vrees.  Ek was bevrees oor die blog.  Sê nou ek sê iets waarvan iemand nie hou nie, sê  nou my Engels is nie goed genoeg nie, mense lag my uit, spreek negatief oor my, verstaan my verkeerd.  Allerhande vrese het my beetgepak
Dit was bogenoemde vrese wat gemaak het dat ek maande lank uitgestel het.  Ek het verskonings uitgedink.  Die tyd en die omstandighede was nooit reg nie. 

Toe ek in die week vir Lelani, my oudste dogter sê ek moet met die blog begin, het sy onmiddelik gereageer en gesê:  "mam, ek het wakker gelê gisteraand daaroor, mam wil wag tot dit die perfekte omstandighede is en so gaan maande verby of dit gebeur nooit."Ek glo God se Gees het dit deur haar bevestig.

2 Tim 1:7  sê egter dat God ons nie 'n gees van vreesagtigheid gegee het nie, maar van krag, liefde en selfbeheersing.

In 2 Tim 1:6 sê Paulus vir Timotheus dat hy hom herinner om die genadegawe van God aan te wakker wat in hom is.  Vers 5 sê dat Timotheus 'n ongeveinsde geloof in hom gehad het, en Paulus vermaan hom dan ook om standvastig te wees in die geloof en in die bediening.

Moenie toelaat dat vrees in die pad staan van dit wat God wil hê jy vir Sy koninkryk moet doen nie.  Ek moedig jou aan.  Sit jou voet in die water, gee die eerste tree,  hou jou oog op Jesus Christus, die begin en voleinder van jou geloof,  en weet God gaan alles ten goede vir jou laat meewerk omdat jy hom liefhet.   Hy is n waarmaker van Sy Woord.  

Vader
Ek dank U vir my vermoens en talente.  Dankie vir die genadegawes wat U vir my gegee het.  Ek bely vandag dat God my nie 'n gees van vrees gegee het nie, maar een van krag. liefde en selfbeheersing.
Volgens 2 Tim 1:8 wil ek my nie skaam oor die getuienis van onse Here nie.  
Ek beveel elke gees van vrees om te gaan in Jesus Naam.  
Versterk my geloof in JESUS NAAM.  
AMEN

JY MAAK SAAK

 

1 Johannes 4:10 
Hierin is die liefde:  nie dat ons God liefgehad het nie, maar dat Hy ons liefgehad het en sy Seun gestuur het as 'n versoening vir ons sondes.

Hoe wonderlik om te weet God het ons so oneindig lief gehad dat Hy sy enigste Seun vir ons gegee het.  En selfs al was jy die enigste mens op hierdie aarde, is jy nog steeds so kosbaar vir die Vader, dat Hy dit nog steeds net vir jou sou gedoen het.

Jimmy Swaggart sing 'n lied wat sê - IT MATTERS TO HIM ABOUT YOU.  Daar was 'n tyd in my lewe wat ek nie gedink het God het ;n plan vir my lewe of dat ek enigsins kosbaar is vir hom nie.   Dis egter 'n leuen van die vyand, want die woord leer ons dat God ons by die naam geken het nog voor ons in ons moederskoot gevorm is.  Die psalmdigter sê in Psalm 139:14,  dat ons wonderbaar is, wonderbaar is u werke.

Dankie Vader dat my gebeente vir U nie verborge was toe ek in die geheim gemaak is nie, kunstig geweef in die dieptes van die aarde.
U het my ongevormde klomp gesien, en in u boek is hulle opgeskrywe, dae dat alles bepaal was, toe nog geeneen van hulle daar was nie.
Hoe kosbaar is dan vir my u gedagtes, o God!  Hoe geweldig is hulle vol som nie!
Wil ek hulle tel, hulle is meer as die sand, word ek wakker, dan is ek nog by U.
Amen

WELCOME

Be blessed, as I welcome each and everyone to join me on this journey of hope, restoration, and all that God intended to reach through His blog.  If you are reading this and is part of this blog, I want you to know that God has intended it to be.  

A few months ago I went on the internet to do some research on RA (rheumatoid arthiritis).

The damaging effect was so overwhelming and in all the articles every writer declares that there's nothing humanly possible to cure this damaging disease.

Yes, there's medicine to slow the process down, as in my case was described by my Rheumatologist, after looking me in the eyes as he told me there is nothing he could do for me, and that I would be bedridden very early in my life.  

You can have a certain lifestyle concerning eating habits, use anti-inflammatory medicine etc.

but NO cure.

When I look at all this, for the first time in 10 years I realise the real effect of this sickness.  Its nature is to misform you, it slows the life down that God intended us to live to the fullest.  It even influence your eyes, breathing and organs.

When the realisaton came to me about the horrifying effect of the sickness, I started crying.

But the Holy Spirit started to speak in my heart and said to me that if the people with bone diceases went on the internet to do research, what will they find?  No hope...

Why not use the same medium (the internet) and start something that will give people hope, so that they know theres hope in Jesus, our Lord, our Saviour, our HEALER.

Im sure there is other bloggers just like me, but this is the purpose for my life at this point, and as I bring you testimony, daily devotion etc I want God to have all the glory.  For without Him we can do nothing, but through Jesus Christ we can do ALL.

Jesus paid the price at Calvary for all our sickness, and I know and believe that I am healed and that God is busy with the restoration of my joints, and in the meantime....

THESE BONES WILL NEVER STOP SINGING!!!