THESE BONES WILL SING - THE SONG

Great are You Lord

You give life, You are love

You bring light to the darkness

You give hope, You restore

every heart that is broken

Great are You Lord.

Its Your breath in our lungs

so we pour out our praise

We pour out our praise

its Your breath in our lungs

So we pour out our praise to You only

You give life, You are love

You bring light to the darkness

You give hope, You restore

every heart that is broken

Great are You Lord.

All the earth will shout Your praise

our hearts will cry, THESE BONES WILL SING

GREAT ARE YOU LORD

HET EK WERKLIK MY GANG UITGEVERF?

'n Paar jaar gelede was my hande so swak en seer

dat ek nie die komberse oor my kon trek as ek myself

oopgeskop het in die nag.  Ek moes my man wakker 

maak om my weer toe te gooi.  Om enige vorm van

beensiekte te hê is baie pynlik en soms is die pyn

so erg dat dit net God se genade is wat jou deur die

dag kan dra.  Toe my kinders klein dogtertjies was

moes ek baie keer as hulle met my wil speel aangesien

dit baie pynlik was as ek my gewrigte net liggies gestamp

het.  Dis nou nog seer as ek my stamp, maar wat so

amazing is is dat ek gister my huis se gang alleen 

uitgeverf het.  Nie 'n enkellaag nie, 'n dubbellaag.

Ek het ook my man gehelp om ons dogters se kamers

uit te verf. 

DAAR IS NIKS ONMOONTLIK VIR MY GOD NIE.

JESUS HET REEDS DIE PRYS BETAAL BY 

GOLGOTA VIR ONS GENESING.   

Ek het in die week vir iemand gesê sy moet baie 

versigtig wees vir enige negatiewe gedagtes want 

dit het 'n slegte uitwerking op mens se gesondheid.

God se Woord kan dit beaam.

Spreuke 17:22

'n Vrolike hart bevorder die genesing, maar 'n

verslae gees laat die gebeente uitdroog.

Vroeer in my lewe het ek baie toegelaat dat die

seerkry dinge van die lewe my gesondheid benadeel.

Ek het negatiewe gedagtes toegelaat en as iemand

my seergemaak het met hul woorde of optrede het

dit my letterlik fisiek en geestelik baie benadeel.

Alhoewel ek nog die vernietigende effek op my 

liggaam het wat negatiewe gedagtes van die verlede

 meegebring het, weet ek ons dien 'n God van 

wonders, en Hy gaan my gewrigte100% herstel.  

Wat so wonderlik is: ek laat nie meer toe dat mense

my seermaak nie.  Daar het in die week weer iets

gebeur wat my jare terug in sak en as laat sit het,

maar aangesien God my gemoed vernuwe het het

ek dit dadelik eenkant toe geskuif en besef dis

daardie persoon se verlies as hy verkies om my

eenkant toe te skuif.  Want God se Woord leer my

dat ek wonderbaar is en Sy werke was wonderbaar

toe ek gemaak is.  

Vriend,  vriendin, weet wie jy is in Jesus Christus.

Moenie dat iemand jou vertel jy is nikswerd, jy is

nie waardig nie, jy moes nie hier gewees het nie.

God maak nie mistakes nie.  Maak nie saak op watter

manier jy in die lewe gekom het nie, God het nog

steeds 'n wonderlik plan met jou lewe, en Sy gedagtes

is vir jou meer as die sand.   Jy het 'n hoopvolle

toekoms in Hom volgens Jeremia 29:11

HET EK REGTIG MY GANG MET 'N 

DUBBELLAAG VERF UITGEVERF?

Wel, JA!!!

Alleenlik deur die wonderlike genade van ons Here Jesus.

THESE BONES IS STILL SINGING.  

MORE THAN EVER.

HOW GREAT IS OUR GOD........

OM WERKLIK TE BID

'n Kosbare vriendin het die volgende gebed vir my gestuur:

Here, voorheen het ek gedink gebed is

om met U te praat.  Later het ek besef 

dis veral ook om na U te luister, om U

stem te hoor, U wil te voel en U gedagtes

te leef.  Maar nou, Here, besef ek dat

gebed al hierdie dinge is en soveel meer.

Want om werklik te bid, is om totaal

en al leeg te word van myself.  Om alles

wat ek is, voor U neer te lê.  Om niks

te word sodat ek in U alles kan word.

Help my so leeg te word dat ek in U

opgeneem word totdat ons een is. 

Een in denke, Een in wese, Een in wil.

Maak my gestroop sodat ek van U

sal oorloop.  

Want dan, Here, leef ek.....hoop

Amen

Dankie Vader vir kosbare vriendinne wat U soek 

en meer en meer soos U wil wees.

Seen elke vriend en elke vriendin wat hier lees

en mag dit hulle begeerte wees om so in U 

teenwoordigheid te wil wees, dat hulle met U

Vader, Een word.

In Jesus Naam

Amen

I SAID A TRIM

Na n paar maande in PE besluit ek om uiteindelik 'n nuwe

haarkapper uit te toets, want die bos krulhare is teen die

tyd net wat dit sê - 'n bos.

Nadat ek 'n paar keer herhaal het wat ek van haar verlang, is my 

hare gewas en gaan sit ek in die stoel.  Ek verduidelik aan haar

ek was bang vir 'n nuwe haarkapper aangesien ek sekere

voorskrifte het en my haarkapper in die Suid-Kaap het

my geken en presies geweet as ek sê moenie my

lengte sny nie, dan het hy NIE my lengte afgesny nie.

Nodeloos om te sê,  nie alleenlik het my lengte totaal

verdwyn nie, my hare is ook nie uitgedun soos ek

gevra het nie.  Mooi gevra het, verduidelik het, vriendelik was.

Elke keer wat ek sukkel met my hare voel ek nie

te waffers nie, en moet 'n doelbewuste poging

aanwend om nie baie ongelukkig teenoor die persoon

te word nie.  

Hoe kon die situasie vermy geword het?

So maklik en eenvoudig:  as sy net gehoor het en geluister

het wat ek so mooi vir haar gevra het.  Inteendeel het

sy besluit sy doen haar eie ding op my kop.

Hoeveel keer lees ons God se Woord en besluit, "ag nee wat

dis nie vir my nie, of wend 'n doelbewuste poging

aan om dit wat ons gelees het te ignoreer.

As God se Woord sê ons hoef nie te vrees, hoekom vrees ons

nog oor alles wat die vyand oor ons pad stuur.  As God 

se Woord sê:  deur Jesus se wonde is ons genees, hoekom 

twyfel ons nog daarin.  Ek staan self skuldig, want baie keer

as die pyn erg is, wonder ek of God my regtig WIL genees.

Dis 'n leuen van die vader van leuens.  God WIL ons genees.

Die prys is betaal by Golgota.

Iets waaraan ek ook vandag skuld het is die feit dat

ek weet sekere goed is nie goed of gesond vir my

liggaam nie en hou nog steeds daarmee aan.

Ek HOOR  dit by dokters en SIEN  dit in my liggaam,

maar doen nog steeds my eie ding.

My gebed vir hierdie dag:

VADER EK STAAN SKULDIG VOOR U VANDAG

EK WEET SEKERE EET EN DRINK GEWOONTES

IS NIE GOED VIR ENIGE MENS SE LIGGAAM NIE.

MY LIGGAAM IS 'N TEMPEL WAAR DEUR U KRAG

MOET MANIFESTEER EN EK DANK U DAT EK

DIE REGTE KEUSES SAL MAAK WAT U

SAL VERHEERLIK.  U WOORD LEER ONS IN

I KOR 10:31, OF ONS EET OF DRINK OF ENIGIETS DOEN,

ONS DIT TOT U VERHEELIKING MOET DOEN.

DANKIE DAT U MY EN DIE PERSOON WAT

HIER LEES, ONVOORWAARDELIK LIEFHET.

EK HET U LIEF HERE MET MY HELE WESE

IN JESUS NAAM

AMEN

THESE BONES WILL ALWAYS SING

LAAT MY WOORDE U BEHAAG O, HERE

Ons lees in Mattheus 12 : 33 - 37 dat aan die 

vrugte word die boom geken.

Vers 34 leer ons dat uit die oorvloed van die hart

die mond praat.  Die goeie mens bring uit die goeie skat van

sy hart, goeie dinge te voorskyn, en die

slegte mens bring uit die slegte skat van sy hart

slegte dinge te voorskyn.

Die Woord sê ons gaan moet rekenskap gee van

elke ydele woord wat ons praat.

Ek staan vanaand tussen 'n groep mense en luister na

die woorde wat uit hul mond kom.  Dis onverskillige

vloekwoorde en ydele woorde wat soos 'n stroom 

aanmekaar vloei.   Daar kom nie soet en bitter water

uit dieselfde oog van 'n fontein nie.  Met dieselfde mond

waarmee ons God loof en prys, vervloek ons weer die mens,

praat ons ydele en ligsinnige praatjies, laster ons.

Toe ons ry vra ek vir my kind watter van daardie groot

mense was vanaand 'n lig vir die wêreld en 'n

voorbeeld vir al daardie jongmense en kinders teenwoordig.

Sy sê "mam, ek het nie een gesien nie"

Mam was die enigste lig daar.

Ja ek faal ook en kry dit nie altyd reg nie.
God se Gees kla my dadelik aan as ek verkeerd opgetree
het of God nie vereer het met my woorde nie.  

Laat ons begeerte wees om meer en meer soos 

Jesus te wees.  Al die antwoorde waarna ons soek

is in God se kosbare Woord.

Lees die Woord, mediteer oor die woord, bedink die Woord.

God se Woord is lewend en kragtig.

Ons het die Woord nodig om die vyand te weerstaan.

My gebed is volgens Psalm 19 : 15

LAAT DIE WOORDE VAN MY MOND

EN DIE OORDENKING VAN MY HART,

WELBEHAAGLIK WEES VOOR U

AANGESIG, O HERE, MY ROTS EN MY

VERLOSSER!!!

AMEN

AAN MY TOEVERTROU - my 3 pragtige dogters

Vader

Hierdie drie dogters het U aan my toevertrou en ek kan U

nie genoeg bedank dat ek die bevoorregte mamma vir hulle is.

Here ek weet U gedagtes vir hulle is goed en mooi.

U Woord sê dis meer as die sand.  U het hulle by die naam

geken nog voordat hulle in my moederskoot gevorm is.

Dankie dat hulle in U handpalms ingegraveer is en ek 

weet dat niemand hulle daaruit kan ruk nie .

Ek bid vanaand U seen oor elke aspek van hulle lewens.

U is die Lewende God en daar is niks by U onmoontlik nie.

U weet van elke teleurstelling wat hulle al gehad het, en omdat U

alles ten goede laat meewerk vir die wat U liefhet, weet ek

dat U hulle roukleed losgemaak het en hulle met

vreugde omgord het.   Dankie Here, dat hierdie

drie girlies van my weet dat hulle hulp van die Here wat

hemel en aarde gemaak het, af kom.

Neem hulle onder U beskerming en weerhou onheil van hulle.

Ek pleit die bloed van Jesus oor hulle en weet dat geen

wapen wat die vyand teen hulle smee sal slaag nie.

Dankie vir hulle talente en vermoens, dankie dat hulle

'n hoopvolle toekoms in U het. 

Die deure wat vir hulle in die hemel oop is, sal oopgaan

op hierdie aarde, in die Wonderlike Naam van Jesus.

Here, ek bid dat die woorde van hulle mond en die

oordenking van hulle harte, welbehaaglik voor

U aangesig sal wees. 

Waar dit kom by die keuse van 'n lewensmaat vra ek dat

hulle U ook in daardie baie belangrike besluit sal ken.

Ek vra dat U my drie skoonseuns sal bewaar.  Berei

hulle voor vir my dogters en dankie dat hulle die hoof

van hulle gesin sal wees soos U van hulle verwag.

Ek ken hulle nog nie Vader, maar omdat hulle my seuns gaan

word, is ek al klaar lief vir hulle.  

Seen ook elke aspek van hulle lewens en gee hulle 

wysheid en insig in elke situasie.

Ek bid dat my kinders se vrede groot sal wees, dat hul

nooit beskaamd sal staan nie en dat hulle

voorspoed, oorvloed en lewe sal ervaar Vader. Ek verklaar

hulle gesond, geseend, bemind en geliefd.  Dankie dat hulle

guns by U  vind en dat U goedheid en guns volgens 

Psalm 23 hulle altyd sal volg Here.

U is 'n Waarmaker van U Woord en omdat U nie

'n mens is wat sal lieg nie, staan ek voor U vir hulle en 

claim elke belofte wat U vir hulle het, in die Naam v Jesus

Hulle sal geseend wees met goeie gesondheid volgens U Woord.

Ek het U lief Here met alles wat binne in my is.

Dankie dat U die kenner van die hart en die toetser van die niere is.

Ek vra alles in die Naam van koning Jesus

AMEN 

YSTER SLYP YSTER

Ongeveer 16 jaar gelede was ek oppad kleuterskool toe met

ons oudste dogtertjie Lelani.  Dit was haar eerste daggie 

en daardie spesifieke oggend het ek besef God gaan my

moet verander ter wille van my kinders.  Ek was 'n baie

skaam tiener en selfs as volwasse mens kon ek myself

nie handhaaf in 'n geselskap nie.  Ek het

'n lae selfbeeld gehad en het nie veel van myself

gedink nie.  As iemand net skeef vir my gekyk het het

ek vir twee weke geloop en tob wat ek moontlik

verkeerd gedoen of gesê het.  

Daardie oggend het ek opgekyk en gesê:  Here, U is die Pottebakker,

ek is die klei, vorm my en maak my asseblief.  

Ek het my klein ou dogtertjie by die juffrou gelos en met al die

selfvertroue wat ek op daardie oomblik kon bemeester het

ek daar weggestap.  Terwyl ek wegstap het dit gevoel die

juffrouens bespreek tot die onderklere wat ek aangehad het.

Die Pottebakker sal jou nooit teleurstel nie.   God hoor elke versugting,

Hy ken elke hartsbegeerte en daardie oggend was my

begeerte om gevorm te word omdat ek geweet het my

klein ou dogtertjies kyk op na hulle mamma en

hulle betree nou die wêreld waar mamma nie altyd daar is

om te beskerm nie.

Spreuke 27 : 17 leer ons dat yster slyp yster, en

so slyp die een mens die persoon van die ander.

God het baie mense in my lewe gebruik om my te help vorm.

Dis nie altyd lekker en maklik as die Pottebakker begin

skaaf en skuur nie, en somtyds moet jy iets hoor, wat nie so

goed op die oor val nie, maar tog nodig is om te hoor.

Is die vormingsproses al verby?  Nee, beslis nie.

Ons sal altyd iets leer as deel van ons groeiproses.

Een ding weet ek verseker vandag:  Ek is totaal afhanklik van God.

Sy Gees lei en leer my,  Sy Gees waarsku my.

Soos ek gegroei het kon ek sien hoe my dogtertjies ontwikkel

in pragtige jongmeisies met selfvertroue en 'n gesonde selfbeeld.  

Ja, God verander hulle nog elke dag na Sy beeld, maar

ek is nog nie een dag spyt omdat ek die Pottebakker gevra

het om my te verander nie.

Om op 'n ligter noot af te sluit:

As ek nou nuwe vriendinne maak, kan hulle nie

glo ek was te skaam om in 'n geselskap te praat nie.

DIT is wat die Pottebakker doen.  Hy vorm jou en omvou jou

met Sy groot en wonderlike genade.

Laat toe dat die Pottebakker jou vorm en as Hy mense

gebruik:  word soms eers stil en luister.  Dit wat jy nou ervaar as

negatiewe kritiek, is miskien net wat jy nodig het om te hoor.

God het jou oneindig lief.  Jy is in albei Sy handpalms ingegraveer.

U Woord - op die tafels van my hart

Ek vra altyd vir God om Sy Woord op die tafels van my hart te skryf.
Dit het al gebeur dat ek glad nie 'n skrifgedeelte kan onthou nie.
Dan kom die ou duiwel wat 'n leuenaar is en die vader v leuens
en probeer my wys maak ek ken nie die woord of dit is
glad nie op my hart geskryf nie.

Die afgelope paar dae het ek regtig slapelose nagte gehad 
oor 'n probleem wat 'n vorige werknemer vir ons
veroorsaak het.  Ek kon aan niks anders dink nie en het
sleg aan die slaap geraak.  Ek het allerhande oplossings
probeer uitdink en het myself siek gemaak van bekommernis.
Gisteraand lê ek in my bed en dink weer daaraan.  Ek het
sommer net so in my moegheid 'n versugting teenoor God gehad,
en duidelik hoor ek hoe Sy Gees in my binneste fluister en vir my
vra of ek een el by my lengte kan voeg deur my te bekommer.
Nie alleen was dit God wat my deur Sy Gees vertroos nie, maar
dit is uit Sy kosbare Woord.  
Ek het 'n vrede ervaar en vanoggend toe ek opstaan
besluit dit help nie ek ignoreer die probleem nie,  
en toe ek die persoon kontak wat met die saak
werk, is dit glad nie so erg vir ons as wat ek gedink het nie.

Ons het ook in 'n nuwe huis ingetrek en het in die week
besef hier is 'n kokkerot plaag.   Ek het skielik ervaar dat
God ons die mag en gesag oor elke probleem gegee het.  Nie deur ons
eie krag nie, maar deur die krag van God.
Psalm 91 het skielik in my hart kom lê en duidelik het
ek die gedeelte ervaar wat sê: geen plaag sal naby julle
tent kom nie.  Ek het die plaag begin aanspreek en het nog
net een kokkorot weer gesien.  

Waar het dit vandaan gekom?

GOD SE WOORD OP DIE TAFELS VAN MY HART.

Lees God se Woord ons het dit nodig om die vyand te kan weerstaan
Toe Jesus versoek was in die woestyn, het Hy vir die duiwel
gesê: daar staan geskrywe.

GOD SE WOORD IS KOSBAAR EN HY IS 'N WAARMAKER DAARVAN