FOOTPRINTS IN THE SAND

DIE KONING HET NOG 'N SKUIF OOR!!!

Mag hierdie boodskap jou vandag net so 

bemoedig soos dit vir my het.  Ek wou op

die top van 'n berg gaan staan en uitroep

hoe GROOT IS GOD

'n Ouerige man stap eendag deur die Louvre en stop by die sataniese skaakspel.

Doodstil staan hy vir lank die prent net en bekyk.  Toe hy skielik lewe kry en begin

uitroep: "dit is 'n leuen, dit is 'n leuen!".  Ander mense in die gallery het kom kyk

wat aangaan. Wat is die leuen? vra hulle terwyl hy aangaan om uit te roep. Die

Kurator van die museum daag op.  "Meneer, is hier 'n probleem, kan ek help?"

Die man kyk die kurator in die oe en sê: "Ek is die Franse skaakkampioen, ek sê

vir jou dit is 'n leuen!".  Die Kurator was nog steeds verward - wat is 'n leuen?

Die man wys na die skaakbord en sê:

Die skilder sal die skildery moet verander,

 of hy sal die titel moet verander.  

Kyk, die spel is nie oor nie, dit is 'n leuen,

dit is nie skaakmat nie, 

die Koning het nog 'n skuif!"

'n Klein seuntjie met 2 vissies en 5 brode en duisende mense.

Dit lyk soos skaakmat, maar dit is 'n leuen, want die Koning

het nog 'n skuif, en hulle tel 12 mandjies kos na die tyd op.

'n Man met die naam Daniel word gegooi in 'n kuil vol

honger leeus.  Dit lyk soos skaakmat, maar dit is 'n

leuen, want die Koning het nog 'n skuif oor!

Jesus kom by die graf van Lasarus.  Hy's al 3 dae dood.

Die graf ruik sleg.  Dit lyk soos skaakmat, maar dis 'n 

leuen, want die Koning het nog 'n skuif oor.!

Die vrou by die put, moet deur mans met klippe doodgegooi

word.  Dit lyk soos skaakmat, maar dit is 'n leuen want die

Koning het nog 'n skuif oor,  "Gaan en moenie langer sondig nie"

Die moordenaars saam met Jesus aan die kruis.  Dit lyk

soos skaakmat, maar dis 'n leuen, want die Koning het nog

'n skuif oor, "jy sal saam met my in die Paradys wees"

Op Goeie Vrydag word die Lam geslag.  Die mense skreeu

veroordelend - "Kruisig Hom! kruisig Hom!" Hulle spot

Hom en slaan Hom.  Hulle spoeg Hom en kap Hom met

spykers vas aan 'n kruis.  Jesus skreeu met 'n hortende

asemteug en gebarste lippe dit uit: "Eloi, Eloi lama sabagtana!

My God, my God, waarom het U my verlaat?"

Eenkant staan mense en sê: "Ander kon Hy red, maar

Homself kan Hy nie red nie."  Dit is verby, skaakmat, gaan

maar huis toe - satan leun smalend oor die skouer van die

mens,  alles is verby.  Maar dan kom opstandig Sondag

en ek en jy WEET.  Dit lyk soos skaakmat, maar dit  is 

'n leuen, want die Koning het nog 'n skuif oor!!

DIE LAND IS IN 'N GEMORS.  Moorde vind orals plaas.

Kinders word wreed verkrag.  Mense verloor hul werke,

huise, huwelike, lewens, selfrespek, waardes, morele, harte

en verstand.  Jou lewe is 'n gemors. Jy soek, jy klop,

jy roep, jy huil, jy lag, jy raak kwaad, jy voel leeg, jy

voel verlore.  Jy soek jou voetspore, maar vind  verdwaalde

paaie.  Satan staan en lag.  Dis verby.  Sluk daai pil, trek

die sneller, gee daai tree oor die rand........

Vrees is aan die orde van die dag.  Vrees bepaal jou

kom en jou gaan.  Vrees vir jou lewe, vrees vir jou medemens,

vrees vir jouself, vrees vir jou gedagtes, vrees vir jou

omstandighede, vrees vir more,  vrees vir die herinnering

van gister,  vrees vir die omstandighede van vandag.

VREES ......

Maar vandag wil ek vir jou sê: Die spel is nie oor nie!!!

DIE KONING VAN ALLE KONINGS HET NOG 'N SKUIF OOR!!!!!!

CINDY EN JESS - BESKERM DEUR DIE BLOED V JESUS

Ek is so dankbaar vir bloed en die beskerming van Jesus.

Twee jaar gelede toe ons in Heroldsbaai net buite

George gebly het, het my 2 dogters, Cindy en Jessica

afgegaan strand toe om in die "tidalpool" te swem.

Dit was hoogwater en die branders was baie hoog.

Ek het in die kombuis gesit en het skielik 'n gevoel

van onheil ervaar.  Ek weet dit was God se Gees wat

my bewus gemaak het dat die vyand 'n aanslag iewers beplan.

Ek het nie geweet wat dit was nie, maar het spontaan

die bloed van Jesus oor Cindy en Jess begin pleit.

Ek het vir God gevra om hulle te beskerm.

Na 'n halfuur of so het hulle ingestap gekom en die 

oomblik wat ek hulle sien het ek geweet daar het iets

gebeur.  Hulle het aan skok gely en het gehuil.  Cindy

se bene was oral stukkend gekap en hulle het net

na my toe gekom en ek het hulle vasgehou.

 Hulle het begin vertel hoe die branders eers vir 

Cindy uit die swembad in die see gegooi en sy net met haar

vingerpunte aan die rotse vasgehou het. Sy't gebid 
dat Jess net binne moet bly.  Jess het egter besluit
sy gaan vir Cindy red en het oor die rand gespoel
  Sy kon ook net aan die rotse gryp en vasklou met haar
vingerpunte. Die mense op die strand het saamgedrom
 en nie dadelik besef die twee jongmeisies is in

 die moeilikheid nie.

Op 'n stadium het Cindy se vingers losgegly en sy

kon net weer met haar vingers aan die volgende rotse

vasgryp.  Hulle het gebid en gehuil en die volgende oomblik

het 'n brander gekom en hulle oor die rotse gegooi en

terug binne-in die swembad.  Mense het die bloed

van hulle afgewas en vir hulle water gegee vir die skok.

Cindy het in 'n skoktoestand teruggery huistoe.

Ek glo die oomblik toe ek die bloed van Jesus en

God se beskerming oor hulle gebid het, was die oomblik

toe die brander hulle teruggooi in die swembad.

Aan die koning van die Eeue, die Onverderflike, 

Onsienlike, Alleenwyse God

Kom toe die lof die eer en die heerlikheid. 

Tot in ewigheid

Amen

ONS HET U LIEF O HEER.

Vriendin jy MAG maar moeg word

"Vriendin, jy MAG maar moeg word"

Dis die woorde wat twee baie kosbare vriendinne 

vandag vir my gesê het.  Selfs Moses het moeg

geword en dan het Aaron en Hur gekom en sy arms

omhoog gehou.  

Ons gesin is in 'n nuwe stad met nuwe uitdagings,

en ek het net erken dat ek moeg is en selfs bang.

Hulle het my arms omhoog gehou en saam met my

gebid.  Soos Aaron en Hur gedoen het het hulle 

weerskante van my kom staan en my arms omhoog

gehou, en saam met my gebid.

Dit was so amazing en ek het net gevoel hoe God

se Gees deur my begin spoel en my vernuwe.

My denke en my gees is vernuwe.  Ek het in tale

begin spreek en ek weet in die geestesdimensie het daar

iets gebeur vandag.  Ek ervaar dit in my liggaam,

ek ervaar dit in my uitspraak oor ons lewe, my

man se werk, my kinders.  Ek weet die God wat ons

dien, is die God van die onmoontlike.  Dis die

God wat 'n pad in die woestyn maak.  Hy skep

riviere in die wildernis.

Die een vriendin het haar hand op my arm gelê

 en my uitgedaag om te sê wat die laaste ding was

wat God vir ons gesê het.  Het Hy vir ons gesê om PE

toe te kom.?  As ek sê dis 'n baie ongemaklike uitdaging,

dan bedoel ek elke woord daarvan.

As God jou gestuur het dan SAL Hy die deure oopmaak.

Ek aanvaar geen wapen wat die vyand smee teen ons

nie, en staan vas in die Naam van Jesus.

Liewe vriendin as jy moeg geword het, bid ek 

vanaand dat God vir jou 'n Aaron en 'n Hur sal gee

wat bereid sal wees om jou arms omhoog te hou

en jou te dra.   Weet net dit:

GOD SAL JOU NOOIT BEGEWE OF 

JOU NOOIT VERLAAT NIE.

In HOM is elke belofte ja en amen

11 Kor 1:20

Want hoeveel beloftes van God daar ook mag wees,

in Hom is hulle ja en in Hom amen, tot heerlikheid

van God deur ons.

U Woord het ek lief Here. 

Ek staan vandag op elke belofte in U Woord,

met die wete in U is hulle ja en amen.

U is 'n Waarmaker van U Woord

11 Tim 3:16-17

Die hele Skrif is deur God ingegee, en is nuttig tot

lering, tot weerlegging, tot teregwysing, tot 

onderwysing in die GEREGTIGHEID,

sodat die mens van God volkome kan wees, vir

elke goeie werk volkome toegerus.

Timotheus sê duidelik vir ons hoe belangrik dit is

om God se Woord te ken, te bestudeer en lief te hê.

Volgens Matt 6:33 moet ons eers die koninkryk

van God en Sy GEREGTIGHEID soek,

en al die ander dinge sal vir ons bygevoeg word.

(lees hele hoofstuk 6)

God se Woord onderrig ons in GEREGTIGHEID volgens

11 Tim 3.  

Maak vandag 'n keuse om 'n dieper verhouding

met die Allerhoogste God te hê deur die woord

wat deur God ingegee is meer gereeld te lees en te bestudeer.

GEBED

Vader mag U die Woord op die tafels

van ons hart skryf.  U is 'n Waarmaker

van U Woord en U woord sal nie ledig 

terugkeer na dit waartoe U dit stuur nie.

Dankie dat elke belofte in U woord ja 

en amen is.  U woord is lewend en kragtig

en skerper as enige tweesnydende swaard.

Dankie vir U Woord Here

In Jesus Naam

Amen

OH NO, SHE'S UP!!!

Vrydag het ek op my blog geskryf om positief te wees 

en lewe te spreek in elke aspek van jou lewe.

Wel, ek moet vandag erken dat ek 'n paar baie

negatiewe emosies ervaar het die afgelope week asook

naweek.  Selfs as ek God se woord gespreek het het

dit vir my soos lee woorde geklink en gevoel.

Ek het baie ver verwyder van God gevoel en selfs

nadat ek Dinsdag by die gebedsgroep by die skool

bely het dat ek nie so gedisiplineerd is soos ek weet ek

moet wees nie, kon ek myself nie so ver kry om 

meer tyd met God te spandeer nie.

Ek het 'n goeie vriendin ge-whatsapp en gevra sy moet

saam met my bid want ek beleef 'n geestelike krisis.

Ek was net moeg en kon nie myself oorgee nie.

Ons word so maklik meegesleur deur die alledaagse

dinge van die lewe, bekommernisse ens.

Kom ons maak tyd om werklik daar te kom waar ons

ingestel is op God se Gees.   Net in Sy

teenwoordigheid kan ek weer die vrede ervaar waarna ek

gesmag het die afgelope week.  Net deur God

se woord te spreek kan ek die planne van

die vyand weerlê.  Toe Jesus in die woestyn deur

satan versoek was, het Hy vir hom elke keer gesê:

''Daar staan geskrywe"

LORD, MY SOUL DESIRE

IS TO BE USED BY YOU.

SPREEK LEWE

KIES OM HIERDIE NAWEEK LEWE

TE SPREEK OOR ELKE ASPEK VAN JOU LEWE,

VERHOUDINGS,  JOU LIGGAAM - Waar daar siekte

is, spreek God se genesing wat daar is in die bloed v Jesus.

Waar daar 'n behoefte is, spreek God se voorsiening,

Gaan lees die Woord, ken die Woord.

Ons het God se woord nodig om die plan van die

vyand te weerlê en Sy volheid te ervaar.

Daars krag in woorde.

SPREEK LEWE