WAAROP FOKUS JY?

Ek en my man het vanoggend ontbyt by 'n Padstal

so uur se ry van die huis af gaan eet.

So halfpad oppad soontoe het die motor die eerste

keer begin warm word.  Ons het stop stop gery en

moes kort kort water ingooi.  Oppad na ons

bestemming het ons by 'n plaasmark gestop en groente

en vrugte gekoop.  Na 'n heerlike ontbyt het ons "fudge

vir die kinders gekoop en begin terugry.

Nodeloos om te sê was dit nie die einde van ons 

probleme nie.  Ons moes verskeie kere stop en in Hankey

moes ons lank wag sodat die motor kan afkoel.

Iemand het by ons gestop en tot my groot verligting\

was dit 'n man wat al 28jaar by Mercedes as werktuigkundige

werk en hy het ons verseker die enjin het nie seergekry.

Ons "fan" het gegaan en ons is aangeraai om eers die

onderdeel te vervang anders sou ons probleme hê.

Ons voorman het in PE probeer om die onderdeel

te kry, maar tevergeefs.  Ons het besluit om verder

te gaan en het 'n paar kanne water, 'n koeldrank en 'n 

pak sout en asyn skyfies gekoop.

Ons het letterlik elke paar kilomter gestop.  Ek

het net besluit die duiwel sal nie regkry om ons vreugde

te steel nie.  Ek het op die mooi natuur begin fokus

en fotos met my foon geneem.  Ons het die hele

pakkie "fudge" opgeeet en omdat ons so soet soos

stroop was, het ons dit afgewissel met die skyfies

en die koeldrank.  Met een van ons stoppe het my

man van die naartjies uitgehaal en ons het dit verorber.

Ons het besluit om ons oe van ons probleem af te haal, 

(maar nie van die termometer af nie)  en het grappies 

probeer maak en gesels en heeltemal teveel en deurmekaar

geeet.  

Het ons probleem verdwyn ?

NEE, hy het nie.  Maar die manier waarop ons dit

hanteer het het gemaak dat ons daardeur kon kom.

Dit was nie altyd lekker of maklik nie,  maar wel

moontlik.  Ons is veilig by die huis en al die eer aan 

ons Hemelse Vader.

Voor ons gery het het ek my Bybel oopgemaak by Psalm 127

en gelees terwyl ek my hare drooggeblaas het.

God se Woord sê:  "Hy gee dit vir Sy beminde selfs in hul slaap"

Hoe wonderlik was die wete en die heelpad wat ons

so gesukkel het het die gedeelte deur my kop gemaal,

en ek het dit 'n paar keer met my man gedeel.

As jy in 'n situasie of  midde 'n probleem is,  haal jou

oe van die probleem,  en fokus op Jesus Christus, die

begin en Voleinder van ons geloof.  Moenie sien hoe groot

is jou probleem nie, maar vertel vir jou probleem

hoe groot is jou GOD.

Ek is in afwagting vir die voorsiening van God

HOE GROOT IS MY GOD....

FINISH THE RACE

A vacant mind is a dumping ground for satan

Proverbs 4:23 

 ''Guard your heart more than anything else,

because the source of your life flows from it''

How can we guard our hearts?

Satan use our minds to fill our hearts, because

that's where the source of life flows from.

The word of God teach us in Colossians 3:2 that

we must keep our minds on things above and not

on wordly things.  According to 2Cor 10 : 3-6 the weapons

we use in our fight are powerful weapons from God with

which we destroy peoples defenses,  that is, their arguments

and all their intellectual arrogance that appose the

knowledge of God.  We can take every thought captive

so that it is obedient to Christ. 

Don't let satan get hold of your mind.  Our thoughts can

make us sick,  we become our thoughts.  Out thoughts 

become our words.   Proverbs 18 : 21

''The tongue has the power of life and death, and those

who love to talk will have to eat their words.''

Guard your heart today more than anything,

because the source of your life flows from it. 

In other words, guard your mind.  Speak the Word 

of God.  If satan reminds you of your past, remind

him of his future.  If he reminds you how big your 

circumstances are,  remind him how BIG YOUR GOD IS.

Don't give satan the opportunity to use your mind as 

a dumping ground....

May God bless and keep you today

My bones will keep on singing

HOW GREAT IS OUR GOD

BELIEVE

THIS

PICTURE

SAYS 

IT 

ALL

'n Brief aan my moekie

Liewe moekie

Vandag presies 27 jaar gelede het ons die verskriklike nuus ontvang

van 'n motorongeluk en die slegte tyding wat my lewe vir altyd

verander het.  My moekie deur die dood weggeneem.  

Ek sal daardie dag nooit vergeet nie en onthou ook nog die laaste

oomblik saam met mamma, toe ek die vorige dag vetkoekies uit julle

padkos gegaps het en mamma op my afgekom het.  Ek was net 17 

jaar oud en die eerste ding wat ek gedoen het toe ek by die huis\

aangekom het was om vir Adele, my beste vriendin te bel.  Ek

onthou toe sy die foon antwoord, het ek net gesê, vriendin, my moekie

is dood, en binne minute was sy daar.  Ek en sy het in die strate 

ingevaar en ek wou vir almal vertel my ma is verewig weg.  Ek

het daardie dag so verlate en alleen gevoel al was sy by my.  Die

leemte wat ek daardie dag gevoel het het ek die res van my lewe

ervaar moekie.  Al het God baie goeie en gawe tannies op my pad

gesit deur die jare,  kon niemand mamma se plek in my hart inneem nie.

Mamma, al het dit my hoe lank gevat om dit te verwerk, is ek so

dankbaar vir elke oomblik wat ek in my Gr10 jaar by mamma

kon deurbring.  Ek voel nou nog elke traan wat in my nek drup, as

ek en mamma by die telefoontafeltjie sit en ek moekie probeer

troos.  Vandag is ek so dankbaar teenoor God vir daardie tyd.

Met alles wat ek in my lewe gedoen of ervaar het, het ek vir moekie

gemis.  Ek wens my man, Barry (mamma sal hom en die girls in

hemel ontmoet eendag) het die voorreg gehad om mamma te ken.

Ek weet mamma sou lief vir hom gewees het en hy sou mamma

beslis laat lag het.  Hy is altyd gereed vir 'n grappie en om 'n 

glimlag op iemand se gesig te sit.  Weet mamma hoe mis ek mamma

as dit partykeer voel alles werk nie uit in my huwelik of ek het net

raad by iemand nodig.  Ek wil baie dankie sê dat mamma my geleer

het om op God te vertrou, my Woord te lees en om op die Heilige Gees

staat te maak.  Dis alleenlik deur die leiding van die Heilige Gees en

God se Woord dat my huwelik deur al die storms kon staande bly.

Die meeste van alles wens ek my man kon mamma se liefde en

sagtheid ervaar.  As hy voor my in die hemel kom het ek vir hom

gesê, mamma sal vir hom met oop arms wag.  Ek dink hy moet

heel eerste by die kosmos velde gaan kyk.   Na pappa se dood het

ek baie gewonder of sy saak met God reg was en of hy mamma 

in die hemel sal sien.  Ek het een nag 'n gesig gehad, waar 

moekie by die kosmosse staan met 'n gesig vol afwagting, en agter

mamma se rug het pappa gestaan met 'n glimlag.  Ek glo

God het my die versekering gegee dat albei my ouers dit gemaak het.

En dan mamma.  My hart se punt.  My 3 pragtige dogtertjies wat

God aan my toevertrou het.  Mamma ek het voor Lelani 'n

miskraam gehad, en ek weet in  die hemel wag nog so pragtige klein

mensie vir my. Ek glo dit sal 'n skattige seunskindjie wees.  Ek wil

net vir mamma se dit was die moeilikste tyd van my lewe en ek het

mamma so gemis.  Die lekkerste sou gewees het as mamma daar

was met elke kleinding se geboorte.  Mamma, ek het die een ding 

gedoen wat God van my verwag, en dit is om my kinders in Sy vrese

groot te maak.  Hulle ken die Here en ek weet hulle sal beslis hul ouma

in die hemel sien.  Mamma jy sou so lief vir hulle gewees het, en dan

is daar nog 'n krulkop ook by.  Ousus, Lelani is erg oor haar sussies

en toe sy klein was het sy al haar sakgeld op hulle spandeer.  

Cindy is die krulkop en sy is weer die een wat baie vinnig reelings

kan tref.  Jess is die baba en sy wil net hê  almal moet vir haar

lief wees.  Hulle was die skattigste kleingoed mamma en ek wens

hulle kon die voorreg smaak om op mamma se skoot te sit terwyl

mamma vir hulle bid, 'n storie vertel, sing of sommer net lief

wees vir hulle.  Dit sou hulle so goed gedoen het,  moekie.

En nou is hulle groot.  Ek wens mamma kon hul nou sien.  Ek

wens mamma was hier om saam met my vir hulle te bid sodat

hulle die regte keuses kan maak vir 'n lewensmaat.  Hulle is so

kosbaar en ek begeer vir hulle net die mooiste wat die lewe bied.

Die lewe bied so baie uitdagings deesdae.  Dis nie meer so maklik

soos toe ons jongmense was nie.  Hulle is soveel meer onder druk.

Mamma ek was so oud soos Jess toe ek mamma verloor het.

Ek vertel vir my meisiekinders baie staaltjies oor mamma, maar

dit is nie genoeg nie, ek sou dit so graag anders wou gehad het.

Mamma ek is baie lief vir mamma.  Ek mis mamma en ek weet

die weersiens gaan so wonderlik wees in die hemel eendag.

Ek is dankbaar vir alles wat mamma vir my gedoen het, vir alles

wat mamma my geleer het.  Toe ek in Gr 10 was het mamma

eendag vir my 'n skrif in Spreuke gegee.  Ek het dit nie toe verstaan

nie, maar ek verstaan nou mamma.   Met alles wat ek in my lewe

deurgemaak het is dit alleenlik my geloof en my vertroue in die

Allerhoogste God wat my deurgedra het.   

Dankie daarvoor mamma, want dis wat ek by mamma geleer het.

Ek is ewig dankbaar.

Liefde vir altyd

Jou jongste dogter

Roelien

ps.  Ek het my krulhare aanvaar mamma.  

Ek is lief vir ieder en elke een op my kop