JESUS het klaar die prys betaal

Gister ry ek en my jongste dogter wat onlangs haar leerlinglisensie gekry het,

dorp toe en sy parkeer tussen twee voertuie, maar is te naby aan my kant

en ek kan nie uitklim nie.  In haar poging om agteruit te stoot om reg te stop

sodat ek kan uitklim raak ons 4x4 voertuig die kleiner voertuig langs ons en krap dit. \

Eers het ons gedink ons ry oor iets aangesien dit so gevoel het. 

Ek het dat sy begin terugstoot sodat ek kan uitklim en met die vrou van die

ander voertuig kan praat.  Die karwag dink toe ons wil wegry en skryf ons

registrasienommer neer en wys vir die vrou presies wat die skade is toe sy

aangeloop kom. Moet sê het nogal soos 'n skelm gevoel maar ja, dalk sou

ek ook so opgetree het as ek die karwag was.  

Die vrou is toe baie ontsteld en toe ek vir haar sê ons is vreeslik jammer, en die

ergste van alles is ons het nie eers versekering nie, het sy net haar skouers opgetrek

en gesê jammer dis nie haar probleem nie, ons moet maar net betaal want sy gaan

beslis nie.  

Ons het besonderhede uitgeruil en sy wou nie hê my dogter moes verder ry en 

uit die parkering terugstoot nie.  Daar was geen manier waarop ek vrees by my 

dogter sou kweek om nie weer met selfvertroue te bestuur nie, en het die vrou

aanbeveel om dan eerste te ry aangesien Jessica beslis gaan verder bestuur.

Julle wonder seker hoekom ek die storie vir julle vertel,  maar terwyl ek nou

hier op my bed lê en terugdink aan die insident gister,  vestig die Heilige Gees

my aandag op iets wat tog verband kan hou met die storie.

JESUS HET KLAAR DIE PRYS BETAAL

Maak nie saak hoeveel keer ons fouteer nie, die prys is reeds

betaal.  Daars niks wat ons hoef te doen om Sy genade te ontvang

nie, dit IS daar vir ons, ongeag.  Jesus het alles op Hom geneem

by die kruishout van Golgota en ons hoef nie weer te ly nie.  Selfs

al was jy die enigste persoon op die aarde sou God nog steeds Sy

enigste Seun gestuur het om vir jou sonde, jou skuld, jou siekte

vir al jou oortredings te sterf.   Die vyand is soos die karwag en probeer

ons altyd aankla en laat ons voel ons is nie goed genoeg nie.  Dis 

egter 'n leuen want JESUS HET KLAAR DIE PRYS BETAAL.

So my kosbare dogter.  Mam is nie bly oor wat gebeur het nie,

maar ek is wel dankbaar dat God alles ten goede vir ons

sal laat meewerk en dat Hy daardie insident gebruik om my

net weer opnuut te laat besef wat Golgota beteken het.

Dankie Jesus dat die prys betaal is.  U het opgestaan en leef tot

in ewigheid.   

Daars 'n lied wat sê "He could have called ten thousand angels

                                    but He died alone, for YOU and ME."

GEBED VIR SUID-AFRIKA - Hansie Smit

Hemelse Vader

Ons bid vandag spesiaal vir ons kosbare land....

SUID-AFRIKA.

Ons wil begin deur ons eie sonde teenoor U te bely.

Ons bely ons hoogmoed, liefdeloosheid en vrees.  Ons bely

ons misdaad, geweld en korrupsie.  Ons onverdraagsaamheid

en aggressie teenoor mekaar.  Ons bely ons valsheid, verwerping

en veroordeling.  Ons dubbele standaarde, vooroordele en gees

van kritiek.  Ons bely dat ons almal stukkende en gebroke

mense is wat U bonatuurlike GENADE en

GENESING dringend nodig het.

HERE, GENEES asseblief ons LAND.... maar begin

sommer hier by my.  Ek vra vir 'n Gees van 

VERGIFNIS en VRYSPRAAK.  Versoening en harmonie.

Vergewe al die kere wat ek dood en kritiek uitgespreek het,

in plaas van LEWE en GENESING.  Ek kies om nie deel

van die probleem te wees nie, maar van die OPLOSSING.

VADER, U VERDRYF altyd die duisternis deur die 

LIG te vermeerder.  Vermeerder U asseblief U LIG

binne-in ons.  

Maak ons kragtiger LIGDRAERS van U GEES en GENADE.

U WOORD en U WYSHEID.  Maak asseblief

ons geestelike oe oop om U dinamiese potensiaal in alle

mense raak te sien.  Ons kies om bouers te wees

en nie brekers nie.

JESUS,  ons KIES vandag om ons FOKUS te skuif

na dit wat POSITIEF en OPBOUEND is.  U leer ons om

die kwaad te OORWIN met die GOEIE.

Ons kan nie vuur met vuur blus nie.  Ons blus dit met

U ONVOORWAARDELIKE LIEFDE.

Liefde GLO  alles,  HOOP alles en VERDRA alles.

Ons dank U ook vir U FINANSIELE sorg en voorsiening

vir al ons land se mense.  Alle goeie GAWES kom van U af.

U SORG vir die mossies, en U sorg ook vir alle mense..

Gee vir ons die WYSHEIDA en INSIG om U

SEENINGE te DEEL met alle mense.  Ons is almal

gebore en geroep om 'n SEEN te wees vir 

die NASIES.

VADER

VANDAG begin 'n DRAAIPUNT in SUID-AFRIKA se geskiedenis.

'n NUWE dag en GESINDHEID..  'n Nuwe VISIE van HOOP

en VERTROUE.  'n ATMOSFEER van VREDE en 

VEILIGHEID.  'n Nuwe dag van GENESING  en HERSTEL.

OPBOUING  en HARMONIE.  U GEES waai deur ons land

en doen wat net U alleen kan doen.

U ALLEEN is ons GOD en KONING.

SUID-AFRIKA BEHOORT AAN DIE HERE!!!!!!!!!!!

VADER, ons dank U daarvoor in JESUS NAAM

AMEN

JOU WAARHEID IS DALK JOU LEUEN

'n Baie wyse persoon het onlangs vir my gesê dat hy vir jare

verblind was deur sy eie waarheid (leuen).   Ék was baie negatief

en het selfs gedink ek glo, maar dat sekere goed net nie vir ons gesin

beskore is nie.  En dit is beslis 'n leuen van die vyand.  

Sonder dat ons dit agterkom verblind satan ons so met ons

realiteite dat hy ons geloof werklik omswaai in ongeloof, en dis presies

waarmee ek kan identifiseer.  Ek het geglo dat ek glo, maar soos die

persoon aan my uitgewys het, is die waarheid eintlik dat ek die 

leuen glo, en dat satan se leuen my waarheid geword het.

Alles gaan oor geloof en nie oor ons realiteit of omstandighede nie.

Ek het so skaam geword en het besef dit is net so.  Ek bely vandag

my ongeloof as sonde voor God en ek weet ek is reeds vergewe.

Ons tong het die vermoe om lewe en dood te spreek, en na DIE

openbaring kies ek opnuut om lewe te spreek, maak nie saak

wat die realiteit van die lewe is nie.   Spreuke 18:21 sê so duidelik

dat ons die vrug van ons tong sal eet.  Met ander woorde ons sal die

gevolge dra van elke onverskillige en negatiewe woord wat 

ons mond verlaat. Net so is dit die waarheid wanneer 

ons kies om lewe en positiewe woorde te spreek.  

Ek bely God se goedheid en guns oor my gesin.  Ek weet sy gedagtes

is vir ons meer as die sand.  Hy IS 'n Waarmaker van Sy Woord. 

Hy is ons beskerming, voorsiening, verlossing en genesing. 

LAAT JOU GELOOF JOU WAARHEID WORD

MOENIE TOELAAT DAT JOU HUIDIGE WAARHEID

JOU GELOOF WORD NIE.

Mag jy met nuwe oe na jou realiteit kyk. - IN GELOOF

DIE GROOT TREK

Om te verhuis, of te trek soos ek dit sommer noem, was nog

altyd vir my een groot deurmekaarspul.  Elke

keer wat ons verhuis neem ek myself voor, alles gaan op

gladde wiele verloop.  Maar, nou ja, nodeloos om te sê, toe ons

die afgelope naweek van die een woonbuurt na die ander

verhuis was niks beter of minder deurmekaar as ''n

vorige keer nie.  Ons het al soveel keer verhuis dat my man

spot en sê ons moet net ons hande klap,  dan sal die meubels 

en die res van ons besittings self op die wa spring.

Was dit maar so maklik?

 Ek het weke voor die tyd begin inpak en uitsorteer. 

  Die dag toe ons egter moet begin laai kom ek agter ek het

eintlik niks gedoen die afgelope weke nie.  Of so lyk dit

toe altans.  

So maklik kla ons oor ons besittings.  Dis nooit genoeg, mooi

of goed genoeg nie.!!  Begin inpak om te trek.  Glo my, die 

prentjie lyk dan totaal anders.  Met elke trek gee ek 'n

klomp goed weg, en soos ek so baie die naweek vir my 

vriendin gesê het: "ek is seker die bokse het kleintjies gekry"

Dis 'n paar dae later en die bokse staan nog oral rond.  

My man vertel vanoggend van mense wat hy elke oggend sien en 

hy is seker hulle slaap in hul voertuig.   My hart het uitgegaan

en dadelik is ek so dankbaar vir alles wat ek besit.  

Ons het soveel om voor dankbaar te wees, en selfs al het die

een slaapkamer nie hangkaste, ek nie genoeg gordyne  of

pakplek vir alles nie,  en sommige meubelstukke al

vervang moes word met nuwes,  loop ek vandag in my

gerieflike, ruim huis rond, en voel soos 'n koningin.

Ons is bevoorreg en God se genade is elke dag nuut.

In hierdie gerieflike, minder moderne huis gaan ek vir my

gesin 'n tuiste skep, en mag God se vrede so tasbaar wees dat

selfs ons besoekers daarvan bewus sal wees.

Dankie Vader vir ons huis en alles waarmee U ons seen

elke dag.

JOU HUIS IS WAAR JOU HART IS

Om 'n goeie Samaritaan te wees

Saterdagoggend gaan ek en my man bank toe.  Hulle

het 'n nuwe stelsel waar jy 'n kaartjie by 'n masjien moet kry

met 'n nommer op, en die kassier roep jou volgens daardie nommer.

Terwyl ons sit en wag kom 'n swartvrou in en sonder om 'n

kaartjie te vat kom sit sy langs ons.  Sy het baie sterk na drank

geruik en dit was glad nie aangenaam nie.

Ek het egter besef sy gaan die heeldag daar sit en niemand gaan

haar bedien nie, aangesien sy nie 'n nr het nie.

Ek het toe vir haar verduidelik van die masjien en het aangebied

om haar te gaan help om 'n nr te kry.  

Nadat ons 'n rukkie gesit het het 'n ou swart oom wat reeds by 

die toonbank gestaan het, na my toe gekom en vir my gesê dat

hy gesien het wat ek vir daardie vrou gedoen het, en hy is so dankbaar.

Hyt my 'n goeie Samaritaan van God genoem en die seen van die

Here oor my uitgespreek.  Op sy t-hemp het gestaan,  JESUS IS LORD.

Daars 'n spreekwoord wat sê "Jys miskien die enigste Bybel wat iemand lees".

Ek is so dankbaar dat ek daardie dag nie net vir daardie

dronk vrou nie, maar ook vir die koninkryk iets kon beteken deur

God se liefde op 'n tasbare wyse aan iemand te bewys.

Terwyl ek hier tik besef ek ook net weereens dat ons

nie 'n nommer of 'n wagtyd nodig het om met God in aanraking te kom nie,

nee,  ons kan direk met Hom kommunikeer en die Woord leer

ons dat die Bewaarder van Israel sluimer of slaap nie.

Dankie Vader dat ek 'n instrument in U hand was.

Dankie dat die wêreld deur ons optrede sal sien wie U is.

Amen

These bones will sing

HOW GREAT IS OUR GOD

Was BAIE ryk, nou net 'n BIETJIE ryk

Daar word gesê uit die mond van die suigeling 

sal jy die waarheid hoor.  Dis weereens die week bevestig

deur 'n klein dogtertjie by die kleuterskool waar my

dogter 'n juffrou is.

Toe juffrou vir haar vra of sy 'n partytjie gaan hou as sy

binnekort verjaar, het die kleinding doodernstig

verklaar dat daar die jaar nie 'n partytjie sal wees nie,

want hulle was eers baie ryk, maar nou is hulle net

'n bietjie ryk. 

Daaruit kan mens seker aflei dat mamma en pappa

'n finansiele krisis beleef, en dis die manier waarop hulle

hulle klein dogtertjie voorberei op die feit dat daar

die jaar nie 'n partytjie gaan wees nie.   Welgedaan liewe

ouers.  Ek haal my hoed af vir julle.  Dit wat julle

in jul dogtertjie se lewe belê het kan nie met

geld gekoop word nie.  Netsowel kon jul gesê het jul

is nou arm en daarom is daar nie geld vir dit nie.

Dit laat my dink aan die spreekwoord wat sê:

"is die glas half vol of is hy half leeg" ?

By hierdie ouers is die glas beslis halfvol en verseker

leer hul dit vir hul kinders ook.

Hulle het gekies om die situasie op 'n positiewe manier

te hanteer.    Dit was vir my so pragtige storie en dit laat

my selfs op 'n ander manier na 'n situasie kyk.

Ek bid vir verandering in daardie ouers se situasie,

en dat God hul weer sal seen met oorvloed en

Bonatuurlike guns.  

En vir jou klein dogtertjie, bid ek dat die glas 

   altyd HALF VOL sal wees, en wanneer jou geboortedag

die jaar aanbreek dat jy en jou ouers so bewus sal 

wees van God se alomteenwoordigheid, Sy genade,

en die wonderlike wete, dat Sy gedagtes vir jou

meer is as die sand.  Al is julle op die oomblik

NET 'N BIETJIE RYK

AMEN

LAPPIESKOMBERS

Terwyl ek besig is om my lappieskombers te hekel,

begin God se Gees met my deel oor die verband tussen

al daardie los lappies en ons lewe.

In die begin toe ek die kombers beplan het het ek sekere

kleure gekies om te gebruik.  Ek het ywerig begin hekel maar

toe tot my spyt kon ek nie meer 'n sekere kleur kry  nie.

Ek was gedwing om 'n ander kleur te kies en dit daar

in te werk.  Net so is ons lewens soms.  Ons beplan en ons

tref reelings en ons droom.  Maar dit werk nie altyd uit soos ons dit

beplan het nie.  Die Woord leer ons in Spreuke 16:9 dat die

mens beplan sy pad, maar die HERE bepaal hoe hy dit loop.

Moet ek nou my kombers los en ophou hekel omdat ek

nie al die kleure wol kry waarmee ek begin het?

Gaan my kombers nou nooit klaar kom nie?

Gaan my kombers lelik en onbruikbaar wees?

Gaan my kinders en kleinkinders nou geen genot daaruit put?

Gaan ek hom nie oor 'n bank kan gooi en met hom spog nie?

Die antwoorde op die bogenoemde vrae is so maklik.

Ja ek gaan hom klaar maak, ongeag,  hy gaan bruikbaar wees,

my kinders gaan hom geniet, ek gaan hom kan uitstal en met

hom spog.  Al moes ek nou ander kleure bysit my kombers

gaan spesiaal wees.  Hy gaan mooi wees,  bruikbaar en

'n uitstalstuk.  Dit gaan my handewerk wees.

Net so moet ons partymaal aanpassings maak in ons lewe.

Alles werk nie altyd uit soos ONS beplan nie.  Veral as ons

God se wil soek.  Sy gedagtes is nie ons gedagtes nie.  Sy wee

is nie ons wee nie.  Gaan ons nou onbruikbaar, lelik, doelloos

en misrabel wees?.  NEE!!!  ons gaan nie.

Uit al die los lappies van ons lewe, gaan God iets moois maak.

Hy maak ons bruikbaar, en dis baie keer daardie ander kleur lappie

wat sal uitstaan en die kombers nog mooier maak as wat ons

beplan het.  Sy gedagtes is vir ons goed, dis meer as die sand.

Maar baie keer is dit nodig dat daar 'n ander kleur lappie

bykom sodat die eindproduk soveel mooier kan wees.

Dit voel partykeer vir my my kombers gaan nooit klaar kom nie,

want ek hekel nou al twee jaar aan hom. 

Elke jaar se ek ek hoop hys darm volgende winter klaar. 

Maar die realiteit is dat hy GAAN klaar kom, veral as ek aanhou

en uithou en elke dag met nuwe ywer aangaan om te hekel. 

Hy gaan op die ou einde bruikbaar en pragtig wees, en ek sal'

kan sê:  wow, dis my handewerk wat daar pryk.

God sal nooit iets in jou lewe begin en dit nie klaarmaak nie.  

Hy IS 'n Waarmaker van Sy Woord.  In Hom, en deur Hom

staan elke belofte vas.   Kom ons hou vas aan Sy beloftes.

Kom ons raak nie moedeloos nie.  Kom ons pak elke dag met

nuwe ywer en krag aan.  Dit voel dalk soms dit raak teveel.

Wat is die doel van alles?

Die einddoel is die saligheid van ons siele.

Die lappieskombers wat God besig is om deur jou te hekel

gaan 'n pragstuk wees.  Dit gaan bruikbaar wees, dit wat jy agterlaat

gaan dalk 'n LEGACY vir jou nageslag wees.  

God gaan daarna kyk, en sê:  WOW, DAARDIE PRAGTIGE KOMBERS

WAT SO BRUIKBAAR IS IN MY KONINKRYK, IS DIE

LAPPIESKOMBERS WAT EK GEHEKEL HET.

Staan vas, wees getrou en ONTHOU

GREAT ARE YOUR LORD

VIR MY TOEKOMSTIGE SEUNS........

vir my seuns wil ek sê.........

  julle  moet die Here liefhê met julle hele hart,

julle hele verstand en al julle krag.  

Bêre volgend Psalm 119:11 God se woord in julle hart

sodat julle nie sal sondig nie  

 Bewaar julle harte meer as alles wat bewaar

moet word, want daaruit is die oorspronge vd lewe.

Hou julle self rein  want daars 'n pragtige

koningin wat haarself voorberei om eendag voor haar 

koning te kan staan.  

Ken die Here in al jou wee dan sal HY julle 

paaie gelykmaak

Julle moet die Here vrees en HOM alleen dien

Wees die priester van julle huis en behandel julle vrouens

en kinders met eer en respek. 

As julle wysheid kortkom sê Jakobus 1 v 5 dat julle dit

van God kan bid.

My seuns vlug vir die begeerlikhede van die jonkheid

en jaag na, geregtigheid, geloof, liefde en vrede

saam met die wat die Here uit 'n rein hart aanroep.

My kinders, moenie haastig wees met julle woorde nie

Die bevalligheid is bedrog, en die skoonheid is nietigheid,

maar 'n vrou wat die Here vrees, sy moet geprys word

Gee sterk drank aan hom wat wil ondergaan.

My seuns vertrou God met julle toekoms en ook met

julle finansies. 

As die Here die huis nie bou nie, tevergeefs werk

die wat daaraan bou.

God gee dit vir Sy beminde in hul slaap.

Julle is meer as oorwinnaars en tot alles in staat

deur Jesus Christus wat julle die krag gee

God se gedagtes is vir julle goed en julle het 'n hoopvolle

toekoms, 'n verwagting in Hom.

Ek spreek oor julle  en jul gesinne BONATUURLIKE GUNS

EN BESKERMING.

IN DIE MAGTIGE NAAM VAN JESUS

NIE LANGER 'N SLAGOFFER

Ek ontmoet onlangs 'n vrou wat so vasgevang is in haar

verlede dat sy niemand naby haar toelaat nie.  Sys skepties 

oor alles en vertrou niemand.  Sy praat net wanneer sy voel

dis regtig nodig en jy sien selde 'n glimlag op haar

pragtige gesig.  Aanraking is by haar geen opsie nie.

Ek ry in die week skool toe om daar saam met die mammas

wat omgee te gaan bid en ek dink aan haar.  My hart huil oor haar.

Ek voel ek wil uit my voertuig spring en daar in die 

middel van die verkeer op 'n platform spring en begin skree

dat ons nie langer slagoffers van ons verlede moet wees nie.

Ons vat terug wat die satan van ons gesteel het.  Ons vat

ons trots en ons eer en ons selfrespek terug.   Ons kan niks

aan ons verlede doen nie, maar beslis aan ons toekoms.

Ek kyk 'n fliek saam met die kinders, en die ouer vrou gee

vir die jongdogter raad nadat die ander kinders haar op die

bus gespot het.  Sy sê vir haar:  die grootste wraak wat ons kan

neem, is om iemand verkeerd te bewys.

Kom ons staan op, kom ons vat terug wat die vyand van

ons gesteel het.  Moenie langer die persoon wat jou verkrag,

gemolesteer, verneder, seergemaak en gemaak het asof jy

onbelangrik, nikswerd en dom is,  die mag oor jou gee deur

verbitterd, seer en kwaad te bly nie.

God kan ons vrymaak van verbittering  en seer.  Daars vrede

by HOM en HOM alleen.  

JY IS MEER AS 'N OORWINNAAR DEUR JESUS

CHRISTUS WAT JOU DIE KRAG GEE.

THESES BONES WILL SING:

HOW GREAT ARE YOU LORD