Vriendin jy MAG maar moeg word

"Vriendin, jy MAG maar moeg word"

Dis die woorde wat twee baie kosbare vriendinne 

vandag vir my gesê het.  Selfs Moses het moeg

geword en dan het Aaron en Hur gekom en sy arms

omhoog gehou.  

Ons gesin is in 'n nuwe stad met nuwe uitdagings,

en ek het net erken dat ek moeg is en selfs bang.

Hulle het my arms omhoog gehou en saam met my

gebid.  Soos Aaron en Hur gedoen het het hulle 

weerskante van my kom staan en my arms omhoog

gehou, en saam met my gebid.

Dit was so amazing en ek het net gevoel hoe God

se Gees deur my begin spoel en my vernuwe.

My denke en my gees is vernuwe.  Ek het in tale

begin spreek en ek weet in die geestesdimensie het daar

iets gebeur vandag.  Ek ervaar dit in my liggaam,

ek ervaar dit in my uitspraak oor ons lewe, my

man se werk, my kinders.  Ek weet die God wat ons

dien, is die God van die onmoontlike.  Dis die

God wat 'n pad in die woestyn maak.  Hy skep

riviere in die wildernis.

Die een vriendin het haar hand op my arm gelê

 en my uitgedaag om te sê wat die laaste ding was

wat God vir ons gesê het.  Het Hy vir ons gesê om PE

toe te kom.?  As ek sê dis 'n baie ongemaklike uitdaging,

dan bedoel ek elke woord daarvan.

As God jou gestuur het dan SAL Hy die deure oopmaak.

Ek aanvaar geen wapen wat die vyand smee teen ons

nie, en staan vas in die Naam van Jesus.

Liewe vriendin as jy moeg geword het, bid ek 

vanaand dat God vir jou 'n Aaron en 'n Hur sal gee

wat bereid sal wees om jou arms omhoog te hou

en jou te dra.   Weet net dit:

GOD SAL JOU NOOIT BEGEWE OF 

JOU NOOIT VERLAAT NIE.

In HOM is elke belofte ja en amen

11 Kor 1:20

Want hoeveel beloftes van God daar ook mag wees,

in Hom is hulle ja en in Hom amen, tot heerlikheid

van God deur ons.

U Woord het ek lief Here. 

Ek staan vandag op elke belofte in U Woord,

met die wete in U is hulle ja en amen.

U is 'n Waarmaker van U Woord

11 Tim 3:16-17

Die hele Skrif is deur God ingegee, en is nuttig tot

lering, tot weerlegging, tot teregwysing, tot 

onderwysing in die GEREGTIGHEID,

sodat die mens van God volkome kan wees, vir

elke goeie werk volkome toegerus.

Timotheus sê duidelik vir ons hoe belangrik dit is

om God se Woord te ken, te bestudeer en lief te hê.

Volgens Matt 6:33 moet ons eers die koninkryk

van God en Sy GEREGTIGHEID soek,

en al die ander dinge sal vir ons bygevoeg word.

(lees hele hoofstuk 6)

God se Woord onderrig ons in GEREGTIGHEID volgens

11 Tim 3.  

Maak vandag 'n keuse om 'n dieper verhouding

met die Allerhoogste God te hê deur die woord

wat deur God ingegee is meer gereeld te lees en te bestudeer.

GEBED

Vader mag U die Woord op die tafels

van ons hart skryf.  U is 'n Waarmaker

van U Woord en U woord sal nie ledig 

terugkeer na dit waartoe U dit stuur nie.

Dankie dat elke belofte in U woord ja 

en amen is.  U woord is lewend en kragtig

en skerper as enige tweesnydende swaard.

Dankie vir U Woord Here

In Jesus Naam

Amen

OH NO, SHE'S UP!!!

Vrydag het ek op my blog geskryf om positief te wees 

en lewe te spreek in elke aspek van jou lewe.

Wel, ek moet vandag erken dat ek 'n paar baie

negatiewe emosies ervaar het die afgelope week asook

naweek.  Selfs as ek God se woord gespreek het het

dit vir my soos lee woorde geklink en gevoel.

Ek het baie ver verwyder van God gevoel en selfs

nadat ek Dinsdag by die gebedsgroep by die skool

bely het dat ek nie so gedisiplineerd is soos ek weet ek

moet wees nie, kon ek myself nie so ver kry om 

meer tyd met God te spandeer nie.

Ek het 'n goeie vriendin ge-whatsapp en gevra sy moet

saam met my bid want ek beleef 'n geestelike krisis.

Ek was net moeg en kon nie myself oorgee nie.

Ons word so maklik meegesleur deur die alledaagse

dinge van die lewe, bekommernisse ens.

Kom ons maak tyd om werklik daar te kom waar ons

ingestel is op God se Gees.   Net in Sy

teenwoordigheid kan ek weer die vrede ervaar waarna ek

gesmag het die afgelope week.  Net deur God

se woord te spreek kan ek die planne van

die vyand weerlê.  Toe Jesus in die woestyn deur

satan versoek was, het Hy vir hom elke keer gesê:

''Daar staan geskrywe"

LORD, MY SOUL DESIRE

IS TO BE USED BY YOU.

SPREEK LEWE

KIES OM HIERDIE NAWEEK LEWE

TE SPREEK OOR ELKE ASPEK VAN JOU LEWE,

VERHOUDINGS,  JOU LIGGAAM - Waar daar siekte

is, spreek God se genesing wat daar is in die bloed v Jesus.

Waar daar 'n behoefte is, spreek God se voorsiening,

Gaan lees die Woord, ken die Woord.

Ons het God se woord nodig om die plan van die

vyand te weerlê en Sy volheid te ervaar.

Daars krag in woorde.

SPREEK LEWE

SATAN BITE THE DUST

God is so getrou.

Gister het ek by Jessica se skool se gebedsgroep gaan aansluit.

Die vorige week wat ek wou gaan het God se Gees my vroeg

wakker gemaak om te gaan, maar ek was vol verskonings.

Ek kom toe gister omtrent 'n uur voor die tyd daaraan, en besluit

ek gaan wag.  Die duiwel gaan my nie beroof nie.  Ek het lank 

gesit en niemand het opgedaag nie.  Die skool Sekretaresse het

aangebied om my te wys as die ander mammas daar inkom.

Ek was besig om met my man oor die foon te praat en vir hom 

te sê dit lyk nie asof iemand gaan kom nie, toe daar 'n jong man

instap met 'n Bybel.  Hy het daar by my kom sit en toe ek

klaar gepraat het vir hom gevra of hy deel is van die gebedsgroep.

Hy was nie, hy was daar om die saal opening waar te neem.

Ek het gesit en besluit om maar alleen (iets wat ek vroeer in my lewe

nie eers sou oorweeg het nie)  in die Raadsaal in te gaan en te

gaan bid, toe 'n ander vroutjie instap en ook by my kom sit.

Sy is toe ook 'n omgee mamma en vir die eerste keer daar.

Ons het kennis gemaak en dadelik aanklank met mekaar

gevind.  Syt my vertel hoe die Heilige Gees in haar lewe gewerk

het om ook deel te word van die gebedsgroep by die skool.

Ons twee het besluit om alleen te gaan bid, en het Raadsaal

toe gegaan.  Ons het spontaan begin bid en God se Gees

het oorgeneem.  Deur haar het die Heilige Gees my attent gemaak

op die feit dat ek voor God moet bely dat ek nie gedisiplineerd   en

so getrou is soos Hy van my verwag nie.  Ons het gebid en gepraat

en toe ons amper klaar was het 'n ander mamma aangekom

en ons drie het spontaan gesels en later gebid en God gedank vir

Sy genade.  

Ek het hulle vertel hoe ek ervaar het dat God herlewing na daardie

skool gaan stuur.   God is amazing, Hy is 'n awesome God.

Die aarde is vol van Sy heerlikheid.  Ons weet God is in beheer en

dit wat Hy beplan is meer as wat ons kan dink, glo, hoop of

selfs sal kan verstaan.  

Lank genoeg vyand het jy reggekry om verwoesting te saai.

Die bloed van Jesus is teen jou.  Geen wapen wat jy verder smee

sal slaag nie, want ons staan vas teen jou in die Naam van Jesus.

Dankie Here vir herstel in kinders en ouers se harte en lewens.

Herstel huwelike, herstel verhoudings.  Dankie dat elkeen

sal weet dat hul 'n hoopvolle toekoms, 'n verwagting in U het.

'n Nuwe generasie sal opstaan vir U Vader.

SATAN BITE THE DUST

IN JESUS NAME

AMEN.

LEKE SLAAP LIEWE JESUS

Gisteraand terwyl ek in my bed lê kom dit by my op hoe ek as 

kind altyd vir almal goeienag gesê het toe ek nog 'n klein dogtertjie was.

Ek is die jongste van 8 kinders, so as jy besluit om almal op die naam

te noem dan gaan die rympie soos volg:

My boeties en sussies op hul name genoem wat ek hulle genoem het.

Leke slaap pappa

Leke slaap mamma

Leke slaap Lienie

Leke slaap Fikka

Leke slaap Dopie

Leke slaap Lella

Leke slaap Riet

Leke slaap Nieka

Leke slaap Allie

Leke slaap Liewe Jesus.

Maar wat so amazing is Psalm 121:4 sê vir ons dat 

DIE BEWAARDER VAN ISRAEL

SLUIMER OF SLAAP NIE.

Jesus is altyd daar, dag en nag.

Ons kan rustig slaap met die wete God

alleen laat ons in veiligheid woon.

Hy sal ons nooit begewe of verlaat nie.

Leke slaap almal

LEWE IS 'N KEUSE - KIES DIT

SPREUKE 18 : 21

DOOD EN LEWE IS IN DIE MAG VAN DIE

TONG, EN ELKEEN WAT DIT GRAAG

GEBRUIK, SAL DIE VRUGTE

DAARVAN PLUK.

Die hele vers in God se Woord spreek vir homself.

Hoeveel keer spreek ons negatiewe uitsprake oor

ons kinders, ons werk, ons mans of vrouens, die

ekonomie ens.  Jou kind maak verkeerde keuses in die lewe,

maar al wat hy ooit gehoor het, is dat hy niks reg kan doen nie.

Hy sal nooit 'n sukses wees nie,  hy kan maar vergeet

om ooit 'n goeie vrou te kry.  

Ons tong spreek vrese oor ons finansies, ons 

veiligheid, ons gesondheid.  Wat sê God se Woord

oor bogenoemde.  Volgens 11Tim 1:7  het Hy ons nie 'n gees van

vrees gegee nie, maar een van krag, liefde en selfbeheersing.

Jer 29:11 sê dat ons 'n hoopvolle toekoms, 'n

verwagting het in Hom.  

God se gedagtes is vir ons meer as die sand, Hy begeer

vir ons voorspoed, oorvloed en lewe.  

Psalm 91 sê ons kan God vra om die engele te stuur

om ons te bewaar.  Omdat ons Sy naam ken, beskerm Hy ons.

Ons het deur 'n baie moeilike finansiele tyd gegaan,

en ek het gekies om lewe te spreek in daardie 

situasie.  Ek het God se goedheid en guns volgens Psalm 23

elke dag oor my man en kinders gespreek, ek doen

dit nou nog.  As Lelani kla oor haar werk, dan sê ek

vir haar the best is yet to come.  Sy GAAN nog doen

wat sy graag wil, sy GAAN nog die talente en vermoe

wat God in haar geplant het, uitleef.  

My man weet dat volgens Salomo se wysheid,

'n man wat vaardig is in sy werk,  voor konings kan

staan, hulle hoef nie voor geringes te staan nie.

God seen sy werk en sy vaardighede.

As 'n deur toegaan, moenie op 'n hoop gaan lê nie.

Bely God se seen en weet Hy maak 'n ander beter

deur oop.  Die deure wat in die hemel oop is, sal oopgaan

op die aarde.  Die deure wat toe is in die hemel sal toebly

op die aarde.  Ken God se Woord,  spreek God se Woord,

bely Sy Woord, GLO Hy is 'n Waarmaker van

Sy Woord.  Doen wat die Woord ons leer.

MAG GOD SY AANGESIG OOR JOU LAAT SKYN

MAG SY ENGELE JOU BEWAAR, MAG JOU

VAARDIGHEDE ELKE DAG BETER WORD.

EN MAG JY IN HIERDIE OOMBLIK REG KIES.

LEWE

DIE BESKERMING VAN DIE ALLERHOOGSTE - 'n MOET lees.

Psalm 91 leer ons dat ons in die beskerming van die Allerhoogste is.

Vers 11 sê dat Hy Sy engele aangaande jou bevel sal gee om

jou te bewaar op al jou wee.  Hulle sal jou op die hande dra, sodat jy jou

voet teen geen klip sal stamp nie.

In vers 14 sê God omdat jy Hom liefhet, sal Hy jou red, omdat

jy SY NAAM KEN, SAL HY JOU BESKERM.

Hoe wonderlik om te weet ons staan onder die beskerming van

die Almagtige God.  Van kleins af leer ek my kinders dat die bloed

van Jesus nie alleen verlossing en vrymaking, gesondheid bring nie,

maar die bloed van Jesus beskerm ook. 

Toe my man die eerste keer begin weg werk het het ek in die 

aande vrees gehad omdat ons alleen was en ek kon nie rustig slaap nie.

Een aand het God se Gees my aandag op Psalm 4:9 gevestig.

EK WIL IN VREDE GAAN Lê EN METEENS AAN DIE

SLAAP RAAK, WANT U, O, HERE, ALLEEN LAAT

MY IN VEILIGHEID WOON.

God het ons nie 'n gees van vrees gegee nie, maar een van

krag, liefde en selfbeheersing.   Moenie toelaat dat vrees jou lamlê, 

veral in ons land waar misdaad aan die orde van die dag is.

Beroep jou op die beskerming van die Allerhoogste.

Vra God om Sy engele te stuur om jou te bewaar op al jou wee.

Pleit die bloed van Jesus oor jouself en jou geliefdes.

HOW GREAT IS OUR GOD.

Ek was nou besig om hier te skryf, toe die volgende boodskap deurkom

op my foon.  God bevestig Sy Woord deur iemand wat nie geweet het ek is besig

op my blog of waaroor ek besig is om te skryf nie.  We serve a Great big, Wonderful God

God is vir ons 'n toevlug en sterkte, as hulp in benoudhede is Hy in hoe mate beproef.

Daarom sal ons nie vrees nie, al waggel die aarde en al wankel die berge weg in die hart

van die see....Die Here van die leerskare is met ons, die God van Jakob is 'n 

rotsvesting vir ons.  Daar is GEEN ander persoon of instansie wat kan help of beskerm

soos die Here nie.  Leer die Woord van die Here en hou vas daaraan en verklaar wat die

Woord sê oor jou lewe.

'n BEDEVAARTSLSIED

Ek slaan my oe op na die berge, waar sal my hulp vandaan kom?

My hulp is van die Here wat hemel en aarde gemaak het.  En roep my aan in die

dag van benoudheid, Ek sal jou uithelp en jy moet My eer.

GEBED

Here U is die toevlug van my lewe.  Al gaan ek deur 'n dal

van doodskaduwee weet ek U is met my elke aand/dag, elke oomblik

Dankie vir U rus en vrede in my lewe.

In Jesus Naam

AMEN

THE POTTERS HAND

Soos ek reeds vroeer gesê het het daar 'n

dag in my lewe aangebreek wat ek myself

aan die Pottebakker beskikbaar gestel om deur

Hom gevorm te word.  Die Pottebakker

sien nie net jou ongevormde klomp raak nie,

nee, Hy sien dit wat jy kan wees, en dit 

wat Hy jy wil hê jy moet wees.

Hy vorm jou tot Sy eer.

Die duiwel, wat die Woord sê is die vader van

alle leuens, gebruik ons verlede om 

ons vasgevang te hou in kettings van self-

vernietiging.  Die waarheid is dat God

al voor ons geboorte geweet het watter foute

ons gaan maak, watter verkeerde keuses ons gaan

maak, en nog steeds is ons vir Hom

kosbaar en waardevol.

Ja, dit is baie waar, dat die keuses wat ons 

maak die rigting van ons lewe bepaal, en dat

ons soms die gevolge van ons keuses baie lank dra.

Maar God se genade is vir ons so groot,

dat die oomblik wat ons ons sonde bely en

laat staan Hy dit wegwas deur die 

bloed van Sy Seun Jesus.  En wat so wonderlik

is,  Hy dink nooit weer daaraan nie.

So ver soos die Ooste verwyder is van die

Weste, so ver verwyder Hy ons

oortredinge van ons.\

God vat daai seerkry van jou en Hy maak

van dit die mooiste pot.  Hy vat dit en Hy gebruik

dit om sy Seun te verheerlik, sodat Golgota

nie verniet was nie.  Moses moes eers deur

die woestyn gaan voor hy die Israeliete daardeur

kon lei.  Jou seerkry kan iemand anders help.

Spreek vry, vergewe jouself en ander.

Ons vergewe ter wille van onsself.  Toe

ek nog vol onvergewensgesindheid en verbittering

was, het die mense wat my seergemaak

het, aangegaan met hulle lewens terwyl

ek my seer vertroetel het.  God kan ons nie

gebruik soos Hy wil terwyl ons nog vol

seer en verbittering is nie.  Sy genade is so groot

vir ons, Hy wil ons vorm, Hy wil ons maak.

Hy wil ons vernuwe.  

Mense word vasgehou deur kettings van hul verlede,

terwyl Jeremia 29:11 vir ons sê dat ons 'n

hoopvolle toekoms, 'n verwagting het in God.

HERE MAAK MENSE VRY.  VORM HULLE

TOT U EER.  VERHEERLIK U SEUN JESUS

IN HULLE LEWE.  EK DANK U OPNUUT VIR

GOLGOTA.  EK BREEK ELKE KETTING EN

ELKE VLOEK OOR ELKEEN WAT HIER

LEES SE LEWE.  ELKE NEGATIEWE

WOORD WAT OOIT OOR HULLE UITGESPREEK

IS, VERANDER NOU IN 'N SEEN, IN

JESUS NAAM.  ELKEEN IS

WAARDEVOL EN KOSBAAR VIR U.

WAAR DIE VYAND HULLE LAAT GLO

HET HULLE IS NIKSWERD EN WAARDELOOS, 

VERNUWE NOU DAARDIE DENKE

IN DIE NAAM VAN JESUS.

ELKE VESTING WAT OPGERIG IS IN

HUL GEDAGTES, BREEK EK NOU

KRAGTIG AF EN EK NEEM

HIERDIE GEDAGTES GEVANGE EN

BRING TOT GEHOORSAAMHEID AAN

JESUS CHRISTUS.

AMEN

THESE BONES WILL SING - HOW GREAT IS OUR GOD