O HEER MY GOD (VIDEO)

Ons Vader is die Skepper van die

hemel en die aarde.

Niks is onmoontlik vir God nie. 

Hy kan die onmoontlike moontlik maak.

Ons is erfgename van God en

mede-erfgename saam met Jesus

Christus.

HOE GROOT IS ONS GOD

ALMAL SAL SIEN HOE

GROOT IS ONS GOD.

DRIE UUR IN DIE OGGEND WAKKER

Ek het vanoggend drieuur wakker geskrik

en kon nie weer aan die slaap raak nie.

Ek het die naweek 'n gesprek met iemand

gehad en het nie dadelik geweet wat

om te antwoord nie.  Die duiwel

wat die vader van die leuens is, het

my probeer wysmaak ek het nie God

se Gees nie, dis hoekom ek niks kon sê.

Terwyl ek wakker lê het God se Gees met

my begin deel oor die situasie van die

naweek en ek het besef as ek toe 

iets gesê het sou ek die verkeerde

goed kwytgeraak het.  God se Gees het

die Woord vir my begin oopmaak

en ek het naderhand opgestaan en

alles neergeskryf voor ek dit vergeet.

God het my toegerus want ek weet die

situasie sal weer opduik.  

VADER EK DANK U VIR U HEILIGE GEES.

SKRYF U WOORD OP DIE TAFELS VAN

MY HART, EN HERE RUS U MY TOE

VIR DIT WAARVOOR U MY GEROEP HET.

SKEP OPNUUT IN MY 'N BEGEERTE OM

MEER EN MEER VAN U TE LEER.

DAARS 'N VUUR HIER BINNE MY EN

DIT BRAND JA DIT BRAND VADER.

EK HET U LIEF HERE

IN JESUS NAAM

AMEN

BIND US TOGETHER LORD

BIND US TOGETHER LORD,

WITH CORDS THAT CANNOT BE BROKEN

THANK YOU LORD FOR MY 3 WONDERFUL DAUGHTERS

BLESS THEM AND KEEP THEM.

MY WISHES FOR YOU TODAY

RUMMIKUB - Die reels het verander

'n Paar van ons familielede het vanaand Rummikub gespeel

en omdat die speletjie mens leer om jou brein in te span en

te dink, hou ek baie daarvan om dit te speel.

Ek het goed gevaar en het dit regtig baie geniet.  Ons 

het gelag en grappies gemaak.

Maar skielik besluit iemand die reels moet verander en ons

gebruik 'n uurglas om tyd te hou sodat elkeen net 

een minuut op 'n slag het om te dink.  As jy 'n slegte

hand gedeel is is dit die slegste reel wat daar kan wees.

Nou ja nodeloos om te sê,  ek het 'n slegte hand gekry en 

toe die ander al amper klaar gespeel het kon ek nog

nie eers een pakkie op die bord uitsit om te begin nie.

Toe ek ten einde laaste kan begin uitsit was my tyd te min

en dus kon ek nie gou genoeg uitsit  nie, met die gevolg

ek het verloor,  

Ek het egter geen probleem met verloor nie en vat my verloor 

soos 'n man (of soos my skoonsus se dogter so ewe gesê het)

soos 'n vrou.   Nou ja, ons almal weet dis net by wyse van

spreuke,  dus vat ek my pak soos 'n man.

Waarmee ek wel 'n probleem het, is die feit dat die reels

verander het en die speletjie toe vir my al sy

kleur verloor het,   Ek wou nie verder speel nie, en het

agterna bietjie sleg gevoel, want toe pak ons op en niemand

speel verder nie.   

Hoeveel keer verander die reels nie in die lewe nie?

Ek het al gehoor mense sê selfs dat reels daar is

om gebreek te word.  Partymaal buig ons die reels so bietjie om

dit vir onsself makliker te maak of om ons doel vinniger te bereik.

Reels maak ons partymaal selfs so bietjie ongemaklik,

Die Woord van God leer my egter dat God Onveranderlik is.

Hy is gister en vandag en tot in alle Ewigheid dieselfde.

Hy is nie 'n mens dat Hy sou lieg nie.  Dit wat Hy 

gister gedoen het, doen Hy nog vandag en sal Hy

nog in die toekoms ook doen.

Ons dien 'n God van wonders en tekens.

'n God wat die onmoontlike moontlik maak.

Jesus Christus is die begin en die voleinder van ons geloof.

Kom ons vertrou die God wat die Skepper is van die hemel

en die aarde, onvoorwaardelik,

DANKIE VADER DAT EK WEET U IS OP DIE

TROON. DANKIE DAT U GISTER EN VANDAG

EN TOT IN ALLE EWIGHEID DIESELFDE

IS.  U WAT WAS EN U WAT IS EN U

WAT SAL KOM.

EK WEET DAT U NOG STEEDS WONDERWERKE

DOEN EN NIE ;N MENS IS WAT SAL LIEG NIE.

AS U GESê HET DIT IS SO, DAN SAL DIT SO

WEES.  IN JESUS NAAM IS EK GENEES.

U IS 'N WAARMAKER VAN U WOORD

AMEN

These bones will sing

HOW GREAT IS OUR GOD

DAAR IS ENGELE VOOR U TROON

BEAUTY FROM ASHES - Vrouekonferensie - 9 Augustus 2013

Vrouekonferensie

Dit was een van die grootste oorwinnings in my lewe.

Ek het vir past Hannetjie Raubenheimer van George gehelp

om 'n vrouekonferensie by die Hyatt Hotel te reel, en God 

het elke aspek van daardie konferensie geseen.

Oral waar ons vir borge gevra het het ons guns gevind by mense.

Ons het geen wins gemaak nie en die kaartjies was bekostigbaar,

want ons wou dit vir elkeen toeganklik maak.  Besighede het 

kaarjties geborg vir vrouens wat daar moes wees maar dit nie

kon bekostig nie.  God het nie alleenlik met elke vrou

teenwoordig 'n afspraak gehad nie, maar ook met my.

Soos ek reeds vroëer gesê het was ek baie skaam en

minderwaardig.  Ek kon nie in 'n geselskap praat nie en was te

bang om my opinie oor enige saak te gee.

Nie alleenlik het ek by besighede ingestap en borge gereel nie,

maar daardie dag was ek die seremoniemeester en het 

ook 'n spreekbeurt van 'n halfuur gehad.  Die Heilige 

Gees het egter toegelaat dat ek net omtrent 15 minute praat,

maar ek glo dit wat ek gesê het, is wat iemand daar moes hoor.

Ek het voor 100 vrouens daardie dag gepraat, en nie omdat

ek goed is nie, maar omdat die Pottebakker my gevorm het

en ek toegelaat het dat Sy krag deur my werk.

Ons is meer as oorwinnaars in Christus Jesus en is tot

alles instaat omdat Hy ons die krag gee.

Later die aand het God net die werk wat Hy in my

begin het, bevestig toe my aanneem - ma (ek het haar aangeneem)

my kontak en vir my sê hoe trots sy op my is.  Sy sê dit het

gelyk asof ek op 'n gereelde basis seremoniemeester en

'n spreker by geleenthede is.  

Past Hannetjie wat daardie dag die woord bedien het, was

net so skaam en minderwaardig soos ek, maar omdat die

Pottebakker haar ook gevorm het, kon sy daardie dag die

woord op so kosbare wyse en gesalf deur God se Gees, bedien.

Ek dank Hom vir hierdie kosbare vriendin van my, en bid

die seen van die Here in elke aspek van haar lewe en bediening.

PSALM 30 : 12

U HET MY WEEKLAG VIR MY

VERANDER IN 'N KOORDANS,

U HET MY ROUKLEED LOSGEMAAK

EN MY MET VREUGDE OMGORD.

Laat toe dat die Pottebakker jou vorm.  

Sit jou voet in die water.

Neem daardie eerste stap.

God doen die res.

JY IS KOSBAAR EN WAARDEVOL VIR HOM

DIE WAARDE VAN 'N OUERHUIS

Vanaand kuier ons by skoonpa op Oudtshoorn.  

Die waarde van 'n ouerhuis tref my opnuut weer

vanaand en ek sukkel om die knop in my keel af te sluk

Oupa wat staaltjies van die verlede vertel, die vleis wat

sommer van die rooster afgeëet word en al die

skindernuus van die ou weduwee tannies wat

kwansuis nie hul hande van oupa kan afhou nie.

Die lekkerste deel van die aand was toe oupa

vir manlief vertel hy moet sy vrou mooi

oppas want sy is nog mooi en as sy besluit om stout

te word, sal sy nog aandag kan trek.  Watter dogter

sal nie daarvan hou as haar pa vir haar vertel 

sy is mooi of hy is trots op haar.?

Wat my egter die meeste opgeval het van die aand

was toe oupa vertel van sy ouers en hoe hard hy

vir hulle gewerk het.  Die respek wat hy vir sy

kwaai pa gehad het.  Terwyl hy staaltjies vertel van

sy kinder en jongdae, sê hy hy dink die rede hoekom

hy al amper 90 is is omdat hy sy ouers ge-eer het,

en die Bybel sê jy sal lank leef.

Hoe waar is dit nie?

Die Woord sê vir ons dat dit die eerste gebod met

'n belofte is.

Efesiers 6:1-3

Kinders, julle moet jul ouers gehoorsaam wees

in die Here, want dit is reg.

Eer jou vader en jou moeder dit is die eerste

gebod met 'n belofte - 

sodat dit met jou goed mag gaan en jy lank mag

lewe op die aarde.

As jy nie meer 'n ouerhuis het  nie leer die Woord

ons  in Psalm 68:7 

dat God die eensames in 'n huisgesin laat woon.

God het al baie tannies op my lewenspad gesit

om die leemte na 'n ma te vul, wat die grootste gemis

in my lewe is.  Op die oomblik is tannie Rika my aaneem-ma

en ek het die grootste respek en liefde vir haar.

Dankie Vader dat U elke eensame hart raaksien.

Dankie dat U volgens Psalm 68:6 'n Vader van die wese

en 'n regter van die weduwees is.

In Jesus Naam

AMEN